"O'zbek xalqi buyuk xalq, Navro'z uning kuch-qudrati va birligini ifodalaydi" — Ozarbayjon elchisi Guseyn Guliyev

Navro'z bayramiga bag'ishlangan tantanalarda ishtirok etgan Ozarbayjon elchisi Guseyn Guliyev "Dunyo" AA uchun intervyusida o'zbek xalqini ushbu bahor bayrami bilan tabrikladi.

"O'zbekiston xalqini bahor, yangilanish va bunyodkorlik ramzi – Navro'z olam bilan chin qalbimdan tabriklayman. Bu yorqin bayramda o'zbek xalqining ulug'vorligi, chuqur an'analari, matonati va ravnaqiga intilishi o'z ifodasini topgan.

So'nggi yillarda O'zbekiston barcha sohalarda ajoyib o'sish va taraqqiyotni namoyish etdi. Prezident Shavkat Mirziyoyev rahnamoligida iqtisodiyot, ijtimoiy soha va xalqaro hamkorlikni mustahkamlashga qaratilgan keng ko'lamli islohotlar izchil davom ettirilmoqda. Bu yutuqlar O'zbekiston ulkan salohiyatga, kelajakka intilayotgan xalqqa ega davlat ekanining yaqqol tasdig'i bo'ldi.

O'zbek xalqi o'z an'analarini saqlab, dadil olg'a intilayotgan buyuk xalqdir. Navro'z uning kuch-qudrati, birdamligi va yangi marralar sari intilish timsoli.

Qardosh O'zbekiston xalqiga tinchlik, farovonlik va yanada muvaffaqiyatlar tilayman", dedi elchi.