Futbol bo‘yicha UEFA Superkubogida “Real” va “Atalanta” jamoalari 14-avgust, chorshanba kuni o‘zaro bahs olib bordi.
![](/static/2024/08/15/gettyimages-2166171042-1024x1024-wvSX9jwH.jpg)
Birinchi bo‘limda darvozalar ishg‘ol etilmadi. Ikkinchi bo‘limda esa madridliklar bosimni kuchaytirdi.
59-daqiqada ajoyib shturmdan keyin Vinisius Juniorning uzatmasini Valverde golga aylantirdi. 68-daqiqada esa “qaymoqranglilar” safida debyutini o‘tkazgan Kilian Mbappe dastlabki golini urdi.
Qolgan daqiqalarda darvozalar ishg‘ol etilmadi va “Real” UEFA Superkubogi sohibiga aylandi.
UEFA Superkubogi
14-avgust, chorshanba
“Real” Ispaniya – “Atalanta” Italiya 2:0
Gollar: 1:0 – 59 Valverde, 2:0 – 68 Mbappe.
“Real Madrid”: Kurtua, Mendi, Ryudiger, Militao, Karvaxal (Vaskes, 88), Bellingem (Sebalyos, 88), Tchuameni, Valverde, Vinisius Junior (Arda, 88), Mbappe (Braim Dias, 83), Rodrigo (Modrich, 76).
“Atalanta”: Musso, Kolashinas (Bakker, 71), Xin, Jimshiti, Pashalich, Rujeri, Zappakosta (Godfri, 63), Ederson, de Ron, de Ketelare (Retegi, 63), Lukman.
Ogohlantirishlar: Ederson (9), Bellingem (35), Vinisius Junior (42), Jimshiti (64).
Izoh (0)