Madridning “Atletiko” klubi bosh murabbiyi Diego Simeone Ispaniya chempionatining 8-turi doirasidagi uchrashuvda “Real” darvozaboni Tibo Kurtua bilan yuz bergan shov-shuvli epizod (1:1) haqida gapirdi. Murabbiy muxlislar o‘z xatti-harakatlarini qanday tushuntirganini aytib berdi.
“Bularning barchasini raqib darvozaboni Kurtua qo‘zg‘atganini aytishdi. Bu, albatta, ularning qilgan ishini oqlamaydi, lekin provokatsiya qilganlar ham jazolanishi kerak. Men Kurtuaga tinchlanishini aytdim. Biz o‘zidan jabrdiyda yasab olganlardan ham ehtiyot bo‘lishimiz kerak. Kurtua odamlarni ayblab, ularning ustidan kulayotganini ko‘rishingiz mumkin ”, deya Simeonening so‘zlarini keltiradi Marca.
Ma’lumot uchun, “Atletiko” muxlislari uchrashuv paytida maydonga va Kurtua tomon buyumlar otdi. Hakam jamoalarni tribuna xonasiga yubordi. 20 daqiqalik tanaffusdan so‘ng o‘yin davom ettirildi.
Uchrashuvda “Real Madrid” Eder Militaoning golidan so‘ng hisobni ochdi. 90+5-daqiqada Anxel Korrea uchrashuvda hisobni tenglashtirdi.
Izoh (0)