O‘zbekiston va Malayziya milliy aviatashuvchilarining hamkorligi doirasida Uzbekistan Airways yo‘lovchilariga yagona aviachipta sotib olish orqali Toshkentdan Langkavi va Kota-Kinabaluga sayohat qilish imkoniyatini taqdim etadi.
Uzbekistan Airways Malaysia Airlines bilan Code-share hamkorligini qayta yo‘lga qo‘yganini mamnuniyat bilan ma’lum qiladi. Ushbu hamkorlik yo‘lovchilarimiz uchun yangi imkoniyatlar eshiklarini ochish bilan birgalikda, har ikkala aviakompaniyaning parvozlar tarmog‘ini kengaytiradi.
Yangi kelishuv doirasida Malaysia Airlines yo‘nalishlar xaritasini kengaytiradi va Uzbekistan Airways tomonidan amalga oshirilayotgan Toshkent – Kuala-Lumpur yo‘nalishida foydalanish imkoniyatiga ega bo‘ladi. O‘z navbatida, Uzbekistan Airways Malayziya aviatsiya bozoridagi o‘z mavqeini kengaytiradi, bu esa mashhur kurort yo‘nalishlariga kirish imkoniyatini beradi:
• Toshkent – Kuala-Lumpur – Langkavi
• Toshkent – Kuala-Lumpur – Kota-Kinabalu
Ushbu yo‘nalishlar yo‘lovchilar uchun Toshkent – Kuala-Lumpur aviaqatnovi bilan birgalikda mavjud bo‘lib, qulay tutashuv aviaqatnovlari va mintaqaning istalgan burchagiga qulay sayohat qilish imkoniyatini beradi.
Yo‘lovchilar uchun imtiyozlar
Code-share hamkorligi sayohatni yanada qulaylashtiradi:
• Bagajni bilvosita ro‘yxatdan o‘tkazish: yo‘lovchilar bagajlarini yakuniy manzilgacha ro‘yxatdan o‘tkazishlari mumkin.
• Yagona aviachipta va havo kemasiga chiqish taloni: barcha hujjatlar dastlabki uchish aeroportida rasmiylashtiriladi, bu esa tranzit aeroportlarida qo‘shimcha tartib-taomillarni oldini olishga imkon beradi.
• Qulay tutashuvlar: parvozlar orasidagi kutish vaqtini minimallashtirish va optimallashtirilgan jadval.
Sayohat uchun yangi imkoniyatlar
Malayziya aviakompaniyasi bilan hamkorlikning qayta tiklanishi Uzbekistan Airways yo‘lovchilariga har ikki aviakompaniyaning mehmondo‘stlik an’analarini zamonaviy xalqaro parvozlar qulayligi bilan birlashtirib, Janubi-Sharqiy Osiyoning eng yaxshi kurort yo‘nalishlarini ochish imkonini beradi. Yangi yo‘nalishlar bo‘yicha aviachiptalarni bugunoq Uzbekistan Airways Sales filialida yoki aviakompaniyaning vakolatli agentlaridan bron qilish mumkin.
Uzbekistan Airways va Malaysia Airlines: eng yaxshi sayohatlaringiz shu yerdan boshlanadi!
Qayd etilishicha, hamkorlik hududlar o‘rtasidagi aloqalarni mustahkamlaydi va yo‘lovchilar uchun sayohatni yanada qulay va yoqimli bo‘lishi yo‘lida xizmat qiladi.
Reklama huquqi asosida.
Izoh (0)