Qalin tuman Namangan aeroporti faoliyatini chekladi, deb xabar bermoqda Uzbekistan Airports matbuot xizmati.
Maʼlum qilinishicha, tuman tufayli Namangan xalqaro aeroportida havo kemalarining uchib kelishi va uchib ketishiga vaqtinchalik cheklovlar joriy etildi.
Uzbekistan Airways aviakompaniyasining Sochi – Namangan yo‘nalishi bo‘yicha HY-9826 reysi soat 19:24 da Farg‘onadagi muqobil aerodromga qo‘ndi.
Flynas aviakompaniyasining Jidda - Namangan yo‘nalishidagi HY-651 reysi ham Toshkentdagi muqobil aeroportga yo‘naltirildi. Samolyot poytaxt aeroportiga mahalliy vaqt bilan soat 20:10 da qo‘ndi.
Qanot Sharq aviakompaniyasining Istanbul – Namangan yo‘nalishidagi HH-578 reysi ham mahalliy vaqt bilan soat 21:28 da Toshkent aeroportiga kelib qo‘ndi.
Izoh (0)