Xanchjou o‘zining boy tarixi, madaniy merosi va hayratlanarli tabiiy landshaftlari bilan mashhur. Uzbekistan Airways 17-noyabrdan boshlab Xitoyning eng qadimiy shaharlardan biriga muntazam aviaqatnovlarni amalga oshira boshlaydi. Aviachiptalar narxi 4 046 000 so‘mdan boshlanadi.
Xitoyliklar aynan ushbu shahar haqida “Osmonda jannat bor, yerda esa Xanchjou” deb gapirishadi. Ushbu shaharga parvoz qilib, sokin va xotirjam hayot tarzi, mehmondo‘stlik va yo‘lovchilarning samimiy tabassumlariga maftun bo‘lishingiz mumkin. Xanchjou – ko‘plab xitoylik shoirlar tomonidan madh etilgan ajoyib manzaralarga ega romantik shahar.
Xanchjoudagi eng mashhur joylardan biri bu bog‘lar, pagodalar va tepaliklar bilan o‘ralgan Sixo ko‘lidir. Bu joy YUNESKOning Butunjahon merosi obyektlari ro‘yxatiga kiritilgan va tabiat va inson o‘rtasidagi uyg‘unlik ramzi hisoblanadi. Faqatgina Sixo ko‘liga tashrif buyurib, uning go‘zalligini o‘z ko‘zingiz bilan ko‘ribgina ushbu iboraning asl ma'nosini tushunish mumkin. Shuningdek, Xanchjou – bu choy markazi hamdir. Bu yerda mashhur “Lunjing” yoki “Ajdarho qudug‘i” yashil choyi yetishtiriladi, bu choy o‘zining nozik ta’mi va xushbo‘y ifori bilan qadrlanadi. Choy plantatsiyalariga tashrif va choy degustatsiyasi sayohatchilar orasida eng mashhur mashg‘ulotlardan biridir.
Bugungi kunda Xanchjou – Xitoyning yuqori texnologiyali markazi va Alibaba kabi Xitoyning eng yirik kompaniyalari uchun uyi hisoblanadi. Shahar qadimiy an’analar bilan zamonaviy texnologiyalarni o‘zida mukammal uyg‘unlashtirgan bo‘lib, bu uni ham sayyohlar, ham ishbilarmonlar uchun betakror manzilga aylantiradi.
Xanchjouga keyingi sayohatingizni rejalashtiring va nima uchun bu shahar millionlab qalblarni zabt etishini bilib oling! Uzbekistan Airways 17-noyabrdan boshlab yakshanba kunlari muntazam aviaqatnovlarni amalga oshiradi:
- Toshkentdan jo‘nab ketish vaqti 12:40, Toshkent vaqti bilan;
- Xanchjouga yetib borish vaqti 22:00, Xanchjou vaqti bilan;
- Xanchjoudan jo‘nab ketish vaqti 23:30, Xanchjou vaqti bilan;
- Toshkentga yetib kelish vaqti ertasi kuni 04:10, Toshkent vaqti bilan.
Bir tomon uchun aviachiptalar narxi – 4 046 000 so‘mdan, Toshkent – Xanchjou – Toshkent yo‘nalishi bo‘yicha – 7 003 000 so‘mdan. Chiptalarni booking.uzairways.com saytida, Uzbekistan Airways ilovasida, Uzbekistan Airways Sales bo‘limlarida yoki aviakompaniya agentlaridan xarid qiling.
Reklama huquqi asosida.
Izoh (0)