Uzbekistan Airways’ning Jidda—Toshkent yo‘nalishidagi samolyotida texnik nosozlik kuzatildi. Bu haqda aviakompaniya matbuot xizmati xabar berdi.
Ma’lum qilinishicha, 18-yanvar kuni Jidda xalqaro aeroportida samolyotning texnik nosozligi sababli HY336 reysi kechiktirildi. Aviakompaniyaning texnik mutaxassislari samolyotni tiklash bo‘yicha ish olib bormoqda. Parvoz jadvali haqidagi batafsil ma’lumot keyinchalik taqdim etiladi.
Yuqorida ko‘rsatilgan kechikish sababli, faqatgina 2025-yil 19-yanvar kuni HY333/334 reyslari quyidagi jadval bo‘yicha amalga oshiriladi:
HY333 reysi:
- Toshkentdan jo‘nash: 11:30;
- Dubayga yetib borish: 14:05.
HY334 reysi:
- Dubaydan jo‘nash: 15:30;
- Toshkentga yetib borish: 19:40.
(Mahalliy vaqt bo‘yicha)
Aviakompaniya matbuot xizmatining ma’lum qilishicha, 18-yanvar kuni amalga oshirilishi kerak bo‘lgan HY278 reysi, Istanbul—Farg‘ona yo‘nalishi ham kechiktirilgan. Aviakompaniyaning texnik xizmatlari tomonidan qo‘shimcha tekshiruvlar o‘tkazilgach, yangilangan jadval taqdim etiladi.
Uzbekistan Airways samolyotida 15-yanvar kuni ham texnik nosozlik kuzatilgandi. Bu Buxoro—Moskva yo‘nalishidagi parvoz amalga oshirilayotganda sodir bo‘lgandi. Bortida 132 yo‘lovchi bo‘lgan samolyot aeroportga qo‘nayotganda dvigatellardan biri ishdan chiqqan. Samolyot aeroportga muvaffaqiyatli qo‘ndirilgan.
Izoh (0)