Toshkent xalqaro aeroportida 4-dekabr kuni havo kemalarini qabul qilishga cheklovlar joriy etildi. Bu haqda Uzbekistan Airports matbuot xizmati xabar berdi.
Qayd etilishicha, cheklovlar noqulay ob-havo sharoiti tufayli mahalliy vaqt bilan soat 05:30 dan boshlab joriy etildi.
Cheklovlar vaqtida barcha reyslar muqobil aerodromlarga yo‘naltiriladi. Uzbekistan Airways aviakompaniyasining Liej—Toshkent yo‘nalishidagi HY3174 reysi Buxoro muqobil aeroportiga yo‘naltirildi.
3-dekabrda ham Toshkent xalqaro aeroportida tuman sababli samolyotlarni qabul qilish vaqtincha cheklangandi.
Shu kuni quyidagi reyslar Samarqanddagi muqobil aerodromga yo‘naltirildi:
- Silk Avia aviakompaniyasining Farg‘ona-Toshkent yo‘nalishi bo‘yicha US402;
- Uzbekistan Airways aviakompaniyasining Bishkek – Toshkent yo‘nalishi bo‘yicha HY778;
- UTair aviakompaniyasining Surgut-Toshkent yo‘nalishi bo‘yicha UTA-709;
- Centrum Air aviakompaniyasining Dubay-Toshkent yo‘nalishi bo‘yicha MFX-352.
Shuningdek, Uzbekistan Airways aviakompaniyasining Grozniy—Toshkent yo‘nalishi bo‘yicha HY9702 reysi Buxorodagi muqobil aerodromga yo‘naltirildi.
Izoh (0)