Angliyaning “Manchester Siti” futbol klubi bosh murabbiyi Xosep Gvardiola va uning rafiqasi Kristina Serra 30 yillik turmushdan so‘ng ajrashgani ma’lum bo‘ldi. Bu haqda Diario Sport xabar bermoqda.
Manbaga ko‘ra, juftlik bu qarorni 2024-yilning dekabrida qabul qilgan, ammo ular o‘z yaqin atrofidagi kishilardan vaziyatning tafsilotlarini ommaga oshkor qilmaslikni so‘ragan.
Gvardiola Serra bilan 1994-yilda tanishgan. O‘sha paytda u Ispaniya termasi va “Barselona” klubining futbolchisi edi. 20 yil o‘tib rasmiy ravishda turmush qurgan. Ularning uch farzandi bor: Mariya (2000-yilda tug‘ilgan), Valentina (2008-yil) va Mariy (2003-yil).
Ma’lum bo‘lishicha, Gvardiola va Serra 2019-yildan beri doimiy ravishda birga yashamagan. O‘sha paytda murabbiyning rafiqasi, farzandlarining biri bilan Manchesterni tark etib, modalar sohasidagi kompaniyasini boshqarishni boshlagan.
Ta’kidlanishicha, juftlikning do‘stona munosabatlari saqlanib qolgan. Ajrashgandan so‘ng ularni Barselonadagi teatrda qizlaridan biri bilan ko‘rishgan.
Izoh (0)