“Манчестер Сити” бош мураббийи Хосеп Гвардиола Чемпионлар Лигаси умумий босқичининг 7-турида жамоасининг 2:4 ҳисобидаги мағлубияти ҳақида фикр билдирди. Ўйинда “шаҳарликлар” 2:0 ҳисобида олдинда бораётган эди.
“Биринчи бўлимда бизда ҳам уларда ҳам имкониятлар бўлди. Рақиб биздан яхшироқ ўйнади. Биз беш дақиқада голлар урдик, улар ҳам беш дақиқада иккита гол урди. Биринчи ўтказиб юборилган голдан сўнг, ўзимизни йўқотиб қўйдик. Ўша пайтда улар жонланди. Тез ўйнаб, курашларда устун келди. Биз бунга бардош бера олмадик”, деб Гвардиоланинг сўзларини келтиради Mirror.
Маълумот учун, ҳозирда “Манчестер Сити” Чемпионлар Лигаси турнир жадвалида 8 очко билан 25-ўринни эгаллаб турибди. Жамоа Чемпионлар Лигаси плей-офф босқичига тўғридан-тўғри чиқиш имкониятини йўқотган. Сўнгги турда жамоани ғалабадан бошқа ҳеч қандай натижа қаноатлантирмайди.
Аввалроқ мураббий Ўзбекистон миллий жамоаси Абдуқодир Ҳусанов ҳақида фикр билдирган эди.
Изоҳ (0)