SpaceX kompaniyasining Falcon 9 raketasi 21-avgust kuni kechasi AQSH harbiylariga tegishli maxfiy X-37B kosmik dronini muvaffaqiyatli tarzda fazoga uchirdi. Bu haqda Al Arabiya xabar berdi.

Uchirish mahalliy vaqt bilan 23:50 da NASAning Kennedi kosmik stansiyasida amalga oshirilgan. SpaceX hodisani jonli efirda namoyish qilgan. AQSH kosmik kuchlarining ma’lum qilishicha, dron missiyasi turli texnologik sinov va tajriba topshiriqlarini o‘z ichiga oladi.
“Bu operatsion tajribalar kelajak avlod texnologiyalarini, xususan, lazerli aloqa tizimlari va hozirgacha fazoda sinovdan o‘tgan eng kuchli kvant inersiya sensorini o‘z ichiga oladi. 8-missiya AQSHning fazoviy aloqa tizimlarini yanada barqaror, samarali va xavfsiz qilishga xizmat qiladi”, deyiladi bayonotda.
Taxminan kichik avtobus hajmidagi X-37B dronidan 2010-yildan beri foydalanib kelinadi. Uning uzunligi 9 metr, qanotlari esa 4,5 metrga teng. Dron Boeing tomonidan ishlab chiqilgan bo‘lib, quyosh panellari yordamida energiya oladi. X-37B ilgari NASA missiyalarida ham sinovdan o‘tgan va 2011-yilda xizmatdan olingan borti mavjud Space Shuttle’larga o‘xshash ko‘rinishga ega.
Izoh (0)