Yaponiyaning Japan Airlines aviakompaniyasi (JAL) keng ko‘lamli kiberhujumga uchradi, bu esa mamlakat ichida ham, undan tashqarida ham reyslarning bekor qilinishi va kechiktirilishiga olib keldi.
Kompaniya xakerlar qurboni bo‘lganini tasdiqladi va ichki hamda tashqi tizimlarda uzilishlar haqida xabar berdi.
“Biz hujumga uchragan parvozlar haqida batafsil ma’lumot bera olmaymiz”, dedi aviakompaniya vakili.
Texnik muammolar tufayli, shuningdek, aviachiptalar sotuvi to‘liq to‘xtatildi. Hujum ortida kim turganligi va uning sabablari hozircha noma’lum. Shu bilan birga, Yaponiyaning ikkinchi yirik aviakompaniyasi All Nippon Airways (ANA) o‘z tizimlari xakerlik hujumlariga uchramaganini ma’lum qildi.
Yaponiyada kiberhujumlar tobora ko‘paymoqda. 2023-yilda Yaponiyaning JAXA kosmik agentligi va firibgar dasturlar yordamida amalga oshirilgan hujum natijasida ishdan chiqqan Nagoya porti xakerlar qurboniga aylandi. 2022-yilda esa Toyota kompaniyasining ta’minotchisi tizimlariga qilingan hujum avtomobil konsernini Yaponiyada ishlab chiqarishni bir kunga to‘xtatishga majbur qilgan edi.
Bunday hodisalar Yaponiyadan tashqarida ham sodir bo‘lmoqda. Rojdestvoda texnik nosozliklar American Airlines ishini to‘xtatib qo‘ydi, bu esa reyslarning kechikishi va bekor qilinishiga olib keldi. Bu muammolar xakerlar harakati bilan bog‘liqmi yoki yo‘qmi, hozircha noma’lum.
Izoh (0)