Futbol bo‘yicha Italiya “A” Seriyasi 30-turi doirasida 19-mart, shanba kuni ikki uchrashuv bo‘lib o‘tdi.
Mazkur turning markaziy o‘yini Rimdagi “Olimpiko” stadionida kechib, Chempionlar Ligasi yo‘llanmasi uchun kurash olib borayotgan “Roma” va “Inter” jamoalari ochkolarni bo‘lib oldi. Tomonlarning Milan shahrida bo‘lib o‘tgan birinchi davra o‘yinida “Inter” 1:0 hisobida g‘alaba qozongandi.
Luchanno Spaletti tashrifidan keyin “Roma” so‘nggi sakkiz o‘yinning har birida o‘rta hisobda 3 ta gol urib kelayotgandi. “Inter” esa so‘nggi olti uchrashuvda darvozasi daxlsizligini saqlay olmadi. Samir Xandanovichning yettinchi o‘yinda ham gol o‘tkazib yuborgani milanliklarni 2 ochkodan mahrum etdi.
30 ta o‘yinda 60 ochko to‘plagan “Roma” A seriyada 3-o‘rinni egallab turibdi. 4-o‘rinda borayotgan “Inter” 55 ochkoga ega.
Italiya A seriyasi 30-tur uchrashuvlari 20 mart, yakshanba
“Roma” — “Inter” 1:1 Gollar: Ivan Perishich, 53 (0:1). Radja Naynggolan, 84 (1:1).“Roma”: Voytsex Shesni, Lukas Din (Emerson, 81), Alessandro Florentsi, Konstantinos Manolas, Antonio Ryudiger, Radja Naynggolan, Seydu Keyta (Edin Jeko, 57), Miralem Pyanich, Stefan El-Shaaravi (Daniele de Rossi, 90+3), Muhammad Salah, Diyego Perotti.“Inter”: Samir Xandanovich, Yuto Nagatomo, Jeyson Murilo, Joao Miranda, Danilo D’Ambrozio, Gari Medel, Marselo Brozovich, Ivan Perishich, Jonatan Byabyani (Rey Manay, 82), Adem Lyayich (Felipe Melo, 86), Eder.
“Empoli” — “Palermo” 0:0
Izoh (0)