Toshkentda jahon chempionati oldidan World Series Pro finali bo‘lib o‘tdi

Toshkent shahridagi Alpomish sport saroyida World Series Pro turnirining final bosqichi bo‘lib o‘tdi.

Unda eng kuchli polvonlar bor kuch va mahoratini namoyish etdi.

4 qit’adan tashrif buyurgan 56 nafar eng kuchli chempionlar bahslari ham ajoyib lahzalarga boy bo‘ldi.

Kunning ikkinchi yarmida musobaqaning tantanali ochilish marosimi bo‘lib o‘tdi.

Ochilish marosimida so‘zga chiqqan IKA Prezidenti Haydar Farmon barcha ishtirokchilarni katta kurash turniri bilan tabrikladi. Har bir ishtirokchi o‘z vatanida Kurashning haqiqiy qahramonlari ekanligi e’tirof etdi.

Shundan so‘ng turnirning asosiy qismi boshlandi. 7 ta vaznning final bellashuvlari o‘tkazildi.

Dastlab, -66 kg vazn toifasida finalgacha yetib kelgan azaliy raqiblar bahsi o‘zbekistonlik Artyom Shturbabin va eronlik Majid Vahid Barimanlou o‘rtasida bo‘lib o‘tdi. Ikki kurashchi ko‘p bora to‘qnash kelgan. Osiyo chempionati, Jahon chempionati finnalarida bir-birini mahoratini sinovdan o‘tkazgan.

Artyom Shturbabin bir yonbosh va chala bahosi bilan raqibini mag‘lub etdi.

Barchani hayojonga solgan yana bir final so‘zsiz Jahon va Osiyo chempioni Umid Esanov va kurash bo‘yicha Afrika chempioni Basel Eldeb ishtirokida bo‘ldi. Umid Esanov ham Basel Eldeb ham finalgacha barcha raqiblarini halol bahosi bilan sof g‘alaba qozonib kelayotgan edi. Finalda esa Esanov raqibiga imkoniyat qoldirmadi. 

Barcha g‘olib va sovrindorlar:

-66 kg vazn toifasi

1. Artyom Shturbabin (O‘zbekiston)
2. Majid Barimanlou (Eron)
3. Savv Karakizidis (Gretsiya)
3. Niko Tchikaidze (Gruziya)

-81 kg vazn toifasi 

1. Umid Esanov (O‘zbekiston)
2. Basel Eldeb (Misr)
3. Tomas Belen (Dominikan Respublikasi)
3. Konstant Ikomo (Kongo Demokratik Respublikasi)

-90 kg vazn toifasi

1. Pa Gviniashvili (Gruziya)
2. Nikita Duinovs (Latviya)
3. Anxel Sanches (Meksika)
3. Jamalbek Asilbek Uulu (Qirg‘iziston)

+100 kg vazn toifasi (mutlaq)

1. Muhsin Hisomiddinov (O‘zbekiston)
2. Bekbolot Toktogonov (Qirg‘iziston)
3. Tentore Masmanidis (Gretsiya)
3. Resko Viktors (Latviya)

Ayollar o‘rtasida 

-57 kg vazn toifasi

1. Ibodatxon Agajanova (O‘zbekiston)
2. Pinki Balxara (Hindiston)
3. Viktoriya-Val Muratidou (Gretsiya)
3. Nada Ashraf Salah (Misr)

-70 kg vazn toifasi

1. Vikto Bologan (Belgiya)
2. Nada Muhammad Fahmi (Misr)
3. Van-Ting Li (Xitoy Taypeyi)
3. Ritika (Hindiston)

+70 kg vazn toifasi (mutlaq)

1. Pokizaxon Kamoliddinova (O‘zbekiston)
2. Audrey Puello (Dominikan Respublikasi)
3. Gabriela Gigova (Bolgariya)
3. Alina Burgeleya (Moldova)