Professional qurilish uchun professional sement ishlab chiqaruvchi Akkermann zavodi xalqaro forumga mezbonlik qildi

Toshkent shahridagi Hilton mehmonxonasida sement, beton ishlab chiqaruvchilari uchun “Sement, beton. Ishlab chiqarish va qo‘llashda zamonaviy texnologiyalar” mavzusida xalqaro forum tashkil etildi.

Unda professional qurilish uchun professional sement ishlab chiqaruvchi Akkermann sement kompaniyasi tashabbusi bilan ko‘rinish bergan mutaxassislar seminar ishtirokchilarga qiziqarli ma’lumotlar ulashib, ularning savollariga javob qaytardi. 

2024-yilning 7-noyabr kuni bo‘lib o‘tgan forum ishtirokchilarga o‘zgacha kayfiyat ulashish barobarida, mutaxassislarning ish faoliyati davomida duch kelinishi mumkin bo‘lgan muammolarga yechim ham topdi. 

Forumning maqsadi 2024-yil yakunlarini sarhisob qilish, beton, gazabeton va temir-beton mahsulotlari ishlab chiqaruvchilarining muammolarini tushunish, shuningdek, kimyoviy qo‘shimchalar ishlab chiqaruvchi yetakchi Yevropa ishlab chiqaruvchilari tajribasiga tayangan holda yechimlar to‘plamini taqdim etishdan iborat, — deydi forum tashabbuskorlari tadbir avvalida bu haqda gapirar ekan. 

Forum doirasida “Ohangaronsement” AJ Akkermann—2025 mahsulot portfelini e’lon qildi. 

Yangi mahsulotni sifat, mustahkamlik va samaradorlikka e’tibor qaratgan holda maydalangan ohaktoshni beton uchun mineral qo‘shimcha sifatida taqdim etdik, — deydi mas’ullardan biri Svetlana Kim.

Forumda ta’kidlanishicha, bundayin uchrashuvlar asosiy masalalar, aynan yangi texnologiyalar va tendensiyalarni muhokama qilish uchun yetakchi ekspertlar, mutaxassislar va soha rahbarlarini birlashtiradigan eng yirik tadbirlardan biridir.
Forum ishtirokchilari va mehmonlar tadbir doirasida xorijlik mutaxassislar bilan onlayn muloqot qilib, nafaqat ular keltirgan ma’lumotlarni tingladi, shu bilan bir qatorda o‘zlarini qiziqtirgan savollarga ham javob oldi.  

Qurilish loyihalarini texnik qo‘llab-quvvatlash bo‘yicha o‘z fikrlarini o‘rtoqlashadigan va sement sanoatidagi yangi ishlanmalar va innovatsion yechimlar haqida gapiradigan xorijlik ma’ruzachilarning taqdimoti asosiy voqea bo‘ldi. Ishtirokchilar o‘zlarini qiziqtirgan savollarga ulardan javob olib, yechimini topolmayotgan masalalarda maslahat oldi. Shuningdek, forumda ishtirokchilar o‘zaro tajriba almashdi. Sika (Shveytsariya) kimyoviy qo‘shimchalarini ishlab chiqaruvchi Akkermann syement kompaniyasi vakillariga shaxsan savol yo‘llab, javob oldi, deydi tadbir tashkilotchilari.