Тошкент шаҳридаги Ҳилтон меҳмонхонасида цемент, бетон ишлаб чиқарувчилари учун “Цемент, бетон. Ишлаб чиқариш ва қўллашда замонавий технологиялар” мавзусида халқаро форум ташкил этилди.
Унда профессионал қурилиш учун профессионал цемент ишлаб чиқарувчи Akkermann цемент компанияси ташаббуси билан кўриниш берган мутахассислар семинар иштирокчиларга қизиқарли маълумотлар улашиб, уларнинг саволларига жавоб қайтарди.
2024 йилнинг 7 ноябрь куни бўлиб ўтган форум иштирокчиларга ўзгача кайфият улашиш баробарида, мутахассисларнинг иш фаолияти давомида дуч келиниши мумкин бўлган муаммоларга ечим ҳам топди.
-Xn4CVM2X.jpg)
Форумнинг мақсади 2024 йил якунларини сарҳисоб қилиш, бетон, газабетон ва темир-бетон маҳсулотлари ишлаб чиқарувчиларининг муаммоларини тушуниш, шунингдек, кимёвий қўшимчалар ишлаб чиқарувчи етакчи Европа ишлаб чиқарувчилари тажрибасига таянган ҳолда ечимлар тўпламини тақдим этишдан иборат, — дейди форум ташаббускорлари тадбир аввалида бу ҳақда гапирар экан.
Форум доирасида “Оҳангаронцемент” АЖ Akkermann—2025 маҳсулот портфелини эълон қилди.
Янги маҳсулотни сифат, мустаҳкамлик ва самарадорликка эътибор қаратган ҳолда майдаланган оҳактошни бетон учун минерал қўшимча сифатида тақдим этдик, — дейди масъуллардан бири Светлана Ким.
-UcJPeraj.jpg)
Форумда таъкидланишича, бундайин учрашувлар асосий масалалар, айнан янги технологиялар ва тенденцияларни муҳокама қилиш учун етакчи экспертлар, мутахассислар ва соҳа раҳбарларини бирлаштирадиган энг йирик тадбирлардан биридир.
Форум иштирокчилари ва меҳмонлар тадбир доирасида хорижлик мутахассислар билан онлайн мулоқот қилиб, нафақат улар келтирган маълумотларни тинглади, шу билан бир қаторда ўзларини қизиқтирган саволларга ҳам жавоб олди.
-bRqx2aVm.jpg)
Қурилиш лойиҳаларини техник қўллаб-қувватлаш бўйича ўз фикрларини ўртоқлашадиган ва цемент саноатидаги янги ишланмалар ва инновацион ечимлар ҳақида гапирадиган хорижлик маърузачиларнинг тақдимоти асосий воқеа бўлди. Иштирокчилар ўзларини қизиқтирган саволларга улардан жавоб олиб, ечимини тополмаётган масалаларда маслаҳат олди. Шунингдек, форумда иштирокчилар ўзаро тажриба алмашди. Сика (Швейцария) кимёвий қўшимчаларини ишлаб чиқарувчи Akkermann семент компанияси вакилларига шахсан савол йўллаб, жавоб олди, дейди тадбир ташкилотчилари.
Изоҳ (0)