Toshkent shahridagi Amity universitetida Graduation ceremony: Class of 2024 nomli bitiruv marosimi bo‘lib o‘tdi

Marosim O‘zbekiston Respublikasi madhiyasi ijrosi bilan tantanali ravishda boshlandi. Toshkent shahridagi Amity universiteti direktori Bobur Abdullaev bitiruvchilarni erishgan yutuqlari bilan tabrikladi va ularni o‘z orzulari sari odimlashda davom etishga undadi.

Marosimda bitiruvchilar, ularning oila a’zolari, do‘stlari, professor-o‘qituvchilari, xodimlar hamda bitiruvchilarni bitiruvi bilan tabriklash uchun yig‘ilgan faxriy mehmonlar ishtirok etdi. Bitiruvchilar o‘qish davomida ko‘rsatgan ko‘mak va yo‘l‑yo‘riqlari uchun professor-o‘qituvchilari, ustozlari, hamkasblari va ota-onalariga minnatdorchilik bildirib, xotira uchun suratga tushdilar.

2024-yilda Toshkent shahridagi Amity universitetining 161 nafar talabalari bakalavr darajasini olishga muvaffaq bo‘ldilar. Bakalavr darajasi axborot texnologiyalari, kompyuter injiniringi, iqtisodiyot, turizm boshqaruvi va biznes boshqaruvi kabi yo‘nalishlarda tahsil olayotgan talabalarga taqdim etildi. Ta’kidlash joizki, bitiruvchilarning 83 foizdan ortig‘i ish bilan ta’minlangan bo‘lib, ularning aksariyati o‘z mutaxassisligi bo‘yicha Huawei, UzCard, Uztelecom, AloqaBank, EPAM, UzAuto va boshqa kompaniyalarda ishlab kelishmoqda.

Toshkent shahridagi Amity universiteti Hindistondagi eng yirik xususiy ta’lim guruhi bo‘lgan “Amity Education Group” a’zosi hisoblanadi. Bugungi kunda “Amity Education Group” tarkibiga 11 ta universitet kiradi: Hindistondan tashqari London, Singapur, Dubay, Nyu-York, Sietl, Xitoy, Abu-Dabi va Ruminiyada 25 ta maktab va 16 ta xalqaro kampuslar mavjud.

Toshkent shahridagi Amity universiteti O‘zbekiston Respublikasi Prezidentining 2019-yil 7-yanvardagi PQ-4097-son qarori bilan tashkil etilgan bo‘lib, 2019-2020 o‘quv yilidan boshlab o‘z faoliyatini yuritib keladi.

Ayni paytda Toshkent shahridagi Amity universitetida 1000 ga yaqin talaba tahsil olmoqda. Bitiruvchilarga O‘zbekiston Respublikasi va undan tashqarida oliy ma’lumot to‘g‘risidagi hujjat sifatida tan olinuvchi Hindistondagi Amity universitetining namunaviy diplomi taqdim etiladi.

Amity universiteti 2024-yilgi bitiruvchilarini erishgan yutuqlari bilan tabriklaydi va ularga kelajakdagi professional va shaxsiy faoliyatida omad tilaydi!

Telefon: (+998) 71 207 9006
Veb-sayt: https://amity.uz/
Instagram: @amity_tashkent
Telegram: @AmityUniversityTashkent
Facebook: @amityuniversityuz
YouTube: @AmityUniversityTashkent

Reklama huquqi asosida.