O‘zbekistondagi ta’lim uchun o‘qish puli eng qimmat oliy o‘quv yurtlari nomlari va narxlarini e’lon qildi. Eng qimmat oliygohlar ro‘yxatiga bitta xususiy universitet hamda 9 ta xorijiy dorilfununning filiallari kiritilgan.
Reytingni AKFA universiteti boshqarmoqda. Oliygohda bir yillik ta’limning narxi 58 million so‘mni (6084 AQSh dollari) tashkil etadi.
Universitet Hukumatning 2019-yil 15-fevraldagi qaroriga muvofiq tashkil qilingan. Muassasada fundamental, tibbiy, aniq va gumanitar fanlar bo‘yicha yuqori malakali mutaxassislar ta’lim oladi. Ta’lim jarayoni ingliz tilida olib borilib, 6 yil davom etadi (2 yil tayyorlov kurslari va 4 yil tibbiyot fakultetida).
Ikkinchi o‘rinda Moskva davlat Xalqaro munosabatlar institutining O‘zbekistondagi filiali qayd etilgan. Bu yerda bir yillik o‘qishning qiymati 52 million 230 ming so‘m (5479 AQSh dollari).
Talabalar MGMIOda “Biznes axborot” va “Yurisprudensiya” yo‘nalishlari bo‘yicha joriy yilning sentabr oyidan o‘qishni boshlagan. Universitet dunyoning nufuzli universitetlari ro‘yxatida 366-o‘rinni egallagan.
Keyingi pog‘onada Inha universiteti bormoqda, bu yerda bir yillik o‘qish narxi 30 million so‘m (3147 AQSh dollari).
Inha universiteti Prezidentning 2014-yil 24-martdagi qarori asosida tashkil qilingan, shu yili oktabr oyidan boshlab “Kompyuter injiniringi” hamda “Dasturiy injiniring” yo‘nalishlari bo‘yicha faoliyat yuritmoqda.
2002-yil yanvarda faoliyatini boshlagan, Buyuk Britaniya ta’lim sifati bo‘yicha o‘qitiladigan ilk universitet, Vestministr xalqaro universitetida ham 1 yillik o‘qish narxi 30 million so‘mni (3147 AQSh dollari) tashkil qilmoqda.
Singapur menejmentni rivojlantirish institutida (MDIS in Tashkent) bir yillik ta’lim narxi 28 million 800 ming so‘m (3021 AQSh dollari).
Poytaxtdagi Turin politexnika universitetida bir yillik o‘qish narxi 28 million 500 ming so‘m.
2009-yilda Toshkentda ochilgan universitet filialida bakalavr diplomlari “Mashinasozlik texnologiyasi”, “Aviakosmik injiniring”, “Sanoat qurilish va arxitektura”, “Axborot texnologiyalari va sanoatda ABT”, shuningdek, magistraturada “Mashinasozlik texnologiyasi” va “Mexatronika” mutaxassisliklari mavjud.
Toshkent shahridagi Puchon universiteti (Bucheon University in Tashkent, BUT). Bu yerdagi bir yillik ta’limning narxi 28 million 250 ming so‘m (2963 AQSh dollari).
Vebster universiteti Toshkent filiali. O‘qish narxi bir yil uchun — 30 million 500 ming so‘m (3 200 AQSh dollari).
Toshkentdagi Yeoju texnika instituti — 26 million so‘m (2727 AQSh dollari).
Institutda arxitektura va shaharsozlik, qurilish, muqobil energiya, turizm, binzesni boshqarish, xalqaro marketing, xalqaro iqtisodiy munosabatlar, boshlang‘ich ta’lim, maktabgacha ta’lim, koreys filologiyasi, liboslar dizayni yo‘nalishlari bo‘yicha ta’lim beriladi.
Amiti universitetining Toshkentdagi filiali (Amity university Tashkent)da bir yillik o‘qish narxi 25 million 350 ming so‘mni (2659 AQSh dollari) tashkil etadi.
Universitet filialida oliy ta’limning axborot texnologiyalari, menejment va turizm sohalari bo‘yicha ta’lim beriladi.
Izoh (0)