21 oktyabr — O‘zbek tili kuni. Bu kunda tilning O‘zbekiston madaniyatidagi ahamiyati va rolini yodga olish ayni muddao.
Til Alisher Navoiyning qadimiy asarlaridan hozirgi zamonaviy adabiyotgacha uzoq yo‘lni bosib o‘tdi. Bugungi kunda u madaniyatning zamonaviy shakllariga faol moslashib, yoshlar san’atining muhim qismiga aylanib bormoqda. O‘zbek tili musiqa, kino, adabiyot va hatto internetdagi kontenti tufayli rivojlanishda, o‘zgarishda va zamonaviylik kasb etishda davom etmoqda.
Avlodlarni birlashtiruvchi til
O‘zbek tili O‘zbekiston madaniyati va o‘ziga xosligi bilan chambarchas bog‘liq. U turli yoshdagi, qiziqish va qarashlarga ega odamlarni birlashtiradi. Biroq, so‘nggi paytlarda u yoshlar orasida yangi ohangga ega bo‘ldi, ular uni o‘z-o‘zini ifodalash vositasi deb bilishadi. Zamonaviy musiqachilar o‘z asarlarida o‘zbek tilidan faol foydalanib, ona tilida eng dolzarb muammolar haqida gapirish, his-tuyg‘ularni ifodalash va dunyoqarashlarini baham ko‘rish mumkinligini ko‘rsatmoqdalar. Bu, ayniqsa, yil sayin tobora ommalashib borayotgan musiqa madaniyatida yaqqol namoyon bo‘lmoqda.
O‘zbek tili va musiqa: rep-madaniyatga nazar
O‘zbekistonda musiqa har doim alohida o‘rinda bo‘lgan, ammo so‘nggi yillarda milliy ruhni zamonaviy janrlar orqali yetkazish vositasi ham bo‘la olishini ko‘rsatdi. Rep ana shunday janrlardan biri bo‘lib, u san’atkorlarga yoshlar bilan bir tilda gaplashish imkonini beradi. O‘zbekcha rep — bu nafaqat musiqa uslubi, balki davr sadosi hamdir. U zamonaviy jamiyat duch kelayotgan muammolar haqida gapiradi va tilimiz nafaqat shoirona, balki dadil, jaydari va dolzarb bo‘lishi mumkinligini ko‘rsatadi.
Repda o‘zbek tili qanday jaranglashini his qilmoqchi bo‘lganlar uchun Yandex Music nafaqat an’analarni qayta ko‘rib chiqishga intilayotgan yosh ijrochilarning asarlari, balki Shohrux va Shahriyor kabi san’atkorlarning 2000-yillardagi xit qo‘shiqlarini ham o‘z ichiga olgan “o‘zbek tilidagi rep” pleylistini yaratdi.
O‘zbek tili qadimgi qo‘lyozmalardan zamonaviy asarlargacha bo‘lgan uzoq yo‘lni bosib o‘tdi. Barcha o‘zgarishlarga qaramay, u madaniyatimizning muhim qismi bo‘lib qoldi. O‘zbek tili kuni — uning boy tarixini eslash va kelajakda qanday bo‘lishi haqida o‘ylash uchun yaxshi imkoniyatdir. “O‘zbek tilidagi rep” pleylistini yoqib, ona tilida yurtimizning o‘tmishi, buguni va kelajagi haqidagi hikoyalarning bugungi avlodga yaqin ohanglarda aytilayotganini eshitishingiz mumkin.
Sheriklik huquqi asosida
Izoh (0)