Toshkent shahrida ipoteka krediti ajratib berish evaziga 61 ming dollarini qo‘lga kiritgan firibgarlar ushlandi. Bu haqda Bosh prokuratur huzuridagi Iqtisodiy jinoyatlarga qarshi kurashish departamenti xabar bermoqda.
Departamentning Sergeli tumani bo‘limi tomonidan o‘tkazilgan tergovga qadar tekshiruvda hududiy tijorat banki filialining ikki nafar yetakchi mutaxassisi fuqaroga yangi qurilayotgan uylardan birini kredit evaziga xarid qilish uchun ipoteka krediti ajratib berishlarini va’da qilgan.
Kelishuvga oldindan boshlang‘ich to‘lov sifatida fuqaroning 61 ming dollarini firibgarlik yo‘li bilan qo‘lga kiritganliklari aniqlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Toshkent shahrida 3 ming dollar evaziga bankdan 100 ming dollar kredit olib berishni va’da qilgan shaxs ushlangani xabar qilingan edi.
Izoh (0)