Rossiya delegatsiyasining ayrim aʼzolari BMT Bosh assambleyasi (BA) birinchi qo‘mitasi yig‘ilishlarida qatnashish uchun Amerika vizalarini ololmadi. Bu haqda Rossiya tashqi ishlar vaziri o‘rinbosari Sergey Vershinin xabar berdi.
Qayd etilishicha, qo‘mita har yili yuqori darajadagi va qurolsizlanish hamda xalqaro xavfsizlik masalalariga bag‘ishlangan haftalik umumiy munozaralardan so‘ng yig‘iladi.
“Bosh Assambleyaning birinchi qo‘mitasi ish boshladi, barcha vakillarimiz ham viza ololmadi. Biz buni mutlaqo nomaqbul deb hisoblaymiz. Biz bu masalani BMT shtab-kvartirasi joylashgan davlat bilan aloqalar qo‘mitasida faol muhokama qilmoqdamiz va arbitraj zarurligi haqidagi muhim masalani ko‘tarmoqdamiz”, dedi Vershinin.
Rossiya hukumati diplomatik vakolatxonalar vakillari xalqaro tadbirlarda ishtirok etish uchun viza ololmaydigan holatlar haqida muntazam ravishda xabar beradi. 30-aprel kuni Rossiyaning BMTdagi doimiy vakilining birinchi o‘rinbosari Dmitriy Polyanskiy Qo‘shma Shtatlar rossiyalik delegatga Bosh Assambleya Axborot qo‘mitasining 46-sessiyasida ishtirok etish uchun viza bermaganini ma’lum qilgan edi.
Yanvar oyida Rossiya TIV Qo‘shma Shtatlar BMT sessiyasida ishtirok etish uchun rossiyalik delegatga viza berishdan bosh tortgani haqida xabar bergan edi. Rasmiylar 2023-yilda ham xuddi shunday muammolar haqida xabar berishgan.
Izoh (0)