Davlat rahbari raisligida o‘tkazilgan videoselektor yig‘ilishi, Namanganda o‘qituvchilarni o‘t yulishga majburlagani aytilgan maktab direktorining jarimaga tortilishi, Surxondaryoda 32 yoshli erkak 10 yoshli qizga uyatsiz qiliqlar qilib, uning jinsiy daxlsizligiga tahdid qilishi — “Daryo” nashri bugun, 12-avgustda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Surxondaryo, Buxoro, Xorazm va Qoraqalpog‘istonda sholi ekishga cheklov kiritish taklif qilinmoqda
Tadbirkor fermerning 10 foiz yeriga sholi ekishni belgilab berishni, undan ortiq ekkanlarni esa jazolash kerakligini aytdi.
O‘zbekistonda oliy diniy ta’lim muassasalari yana bittaga ko‘paydi
Imom Termiziy nomidagi islom instituti davlat ro‘yxatidan o‘tkazildi.
Qishloq xo‘jaligi kadrlarining malakasini oshirish va qayta tayyorlash instituti tashkil etiladi
Institut o‘z faoliyatini to‘lov-kontrakt asosida yo‘lga qo‘yadi.
Surxondaryoda onasidan yashirilgan 9 yoshli qizaloq Termizdagi “dom”dan topildi
Sherobod tumanida yashovchi erkak sobiq xotinidan qizini yashirib kelgan.
“Bu tanlovsizlik tovoni” — BYD e2 elektromobili rasmiy narxi bozordagidan qimmatligi eʼtirozlarga sabab bo‘ldi
O‘zbekistonda ishlab chiqarilgan BYD avtomobillari xususiy importnikidan arzon bo‘lishi aytilgandi. Biroq BYD e2 modelining rasmiy narxi sezilarli qimmatligi tanqid qilinmoqda.
Salim Abduvaliyev vafot etgani haqida xabarlar tarqaldi
“Daryo” IIV axborot xizmati rahbari bilan bog‘lanib, holat yuzasidan izoh oldi.
“Barcha sportchilarimiz, ularning ota-onalari, ustoz va murabbiylari Yangi O‘zbekistonning chinakam qahramonlaridir” — prezident
Davlat rahbari videoselektor yig‘ilishi avvalida sportchilarning Parij Olimpiadasidagi ulkan tarixiy zafarlari bilan butun xalqni tabrikladi.
Namanganda bir oilaning 3 nafar a’zosi o‘ldirildi. Gumonlanuvchi marhumlarga qarindosh bo‘lgan
Qotillikka nima sabab bo‘lgani haqida ma’lumot berildi.
Sayxunobod va Uychi tajribalarida kamchiliklarga yo‘l qo‘ygan masʼullarga javobgarlik choralari ko‘riladi
Tajribalarning har biri bo‘yicha masʼullarga aniq KPI belgilanib, ijrosi ustidan qatʼiy so‘rov o‘rnatilishi belgilandi.
Buxoroda tadbirkorlik uchun qo‘shimcha 60 mln, infratuzilmaga 40 mln dollar ajratiladi
Viloyat hokimi, uning o‘rinbosarlari, tuman hokimlari shunga munosib ishlab, joylardagi tashkilotlar oldiga aniq vazifa belgilashi kerakligi ko‘rsatib o‘tildi.
Prezident quyosh paneli o‘rnatgani uchun yer va mulk solig‘i imtiyozini qo‘llashdagi cheklovni olib tashlash yuzasidan topshiriq berdi
Iqtisodiy kompleks rahbariyatiga aholi va tadbirkorlarga energiya tejamkor uskunalar hamda quyosh panellarini sotib olish imkoniyatlarini kengaytirish topshirildi.
Surxondaryoda 32 yoshli erkak 10 yoshli qizga uyatsiz qiliqlar qilib, uning jinsiy daxlsizligiga tahdid qilgani aytilmoqda
Erkakka nisbatan qamoqqa olish ehtiyot chorasi qo‘llandi.
Parij Olimpiadasi g‘olib va sovrindorlariga Tahoe hamda BYD avtomobillari sovg‘a qilinadi
Olimpiada ishtirokchilari o‘tirgan samolyot tez orada Toshkent aeroportiga qo‘nadi.
Namanganda o‘qituvchilarni o‘t yulishga majburlagani aytilgan maktab direktori jarimaga tortildi
Jarima miqdori – 17 mln so‘m.
O‘zbekistonda 1-sentyabrdan pensiya va nafaqalar 15 foizga oshiriladi
1-oktyabrdan byudjet tashkilotlarida ishlovchi tibbiyot, maktabgacha, umumtaʼlim, o‘rta maxsus, professional va maktabdan tashqari taʼlim muassasalarida ishlovchi pedagog xodimlarning ish haqi miqdori 15 foizga oshiriladi.
Izoh (0)