Yaponiyaning F-15 va F-35 qiruvchi samolyotlari 23-sentyabr kuni mamlakat havo hududini buzgan Rossiya harbiy razvedkachi samolyotini ogohlantiruvchi raketalar bilan o‘qqa tutdi. Bu haqda The Wall Street Journal (WSJ) xabar berdi.
Nashrga ko‘ra, Yaponiya mudofaa kuchlari tomonidan ogohlantiruvchi o‘q uzilishi 1958-yildan beri birinchi marta kuzatilmoqda.
Yaponiya Vazirlar Mahkamasi bosh kotibi Yosimasa Xayasining so‘zlariga ko‘ra, Rossiyaning Il-38 patrul samolyoti 23-sentyabr kuni mahalliy vaqt bilan soat 13:00 dan 16:00 gacha Yaponiya shimolidagi Rebun oroli suvlari ustidan uchib uch marta Yaponiya havo hududiga kirgan.
Xayasining qo‘shimcha qilishicha, Yaponiya ushbu qoidabuzarlik yuzasidan Rossiyaga “o‘ta kuchli norozilik” bildirgan. WSJ taʼkidlaganidek, Yaponiya harbiy-havo kuchlari ikki marta Rossiya samolyotlariga o‘z makonini tark etish to‘g‘risida ogohlantirish va talablar yuborgan hamda uchinchi ogohlantirishdan so‘nggina signal. Rossiya Mudofaa vazirligi mazkur holatga izoh bermagan.
“So‘nggi yillarda Rossiya harbiylari Yaponiya hududiga yaqinroqda ko‘proq harakat qilib, Xitoy harbiylari bilan qo‘shma mashg‘ulotlarda qatnashmoqda, shu bilan birga har ikki davlat ham G‘arb va uning ittifoqchilariga qarshi aloqalarni mustahkamlamoqda”, deya qayd etadi WSJ.
Yaponiya hukumati ma’lumotlariga ko‘ra, Rossiya harbiy samolyotlari Sovet davridan beri Yaponiya havo hududini eng ko‘p buzgan — 48 ta havo hududini buzish holatidan 44 tasi Sovet Ittifoqi yoki Rossiya tomonidan sodir etilgan.
Izoh (0)