Япониянинг Ф-15 ва Ф-35 қирувчи самолётлари 23 сентябрь куни мамлакат ҳаво ҳудудини бузган Россия ҳарбий разведкачи самолётини огоҳлантирувчи ракеталар билан ўққа тутди. Бу ҳақда The Wall Street Journal (WSJ) хабар берди.
Нашрга кўра, Япония мудофаа кучлари томонидан огоҳлантирувчи ўқ узилиши 1958 йилдан бери биринчи марта кузатилмоқда.
Япония Вазирлар Маҳкамаси бош котиби Ёсимаса Хаясининг сўзларига кўра, Россиянинг Ил-38 патрул самолёти 23 сентябрь куни маҳаллий вақт билан соат 13:00 дан 16:00 гача Япония шимолидаги Ребун ороли сувлари устидан учиб уч марта Япония ҳаво ҳудудига кирган.
Хаясининг қўшимча қилишича, Япония ушбу қоидабузарлик юзасидан Россияга “ўта кучли норозилик” билдирган. WSJ таъкидлаганидек, Япония ҳарбий-ҳаво кучлари икки марта Россия самолётларига ўз маконини тарк этиш тўғрисида огоҳлантириш ва талаблар юборган ҳамда учинчи огоҳлантиришдан сўнггина сигнал. Россия Мудофаа вазирлиги мазкур ҳолатга изоҳ бермаган.
“Сўнгги йилларда Россия ҳарбийлари Япония ҳудудига яқинроқда кўпроқ ҳаракат қилиб, Хитой ҳарбийлари билан қўшма машғулотларда қатнашмоқда, шу билан бирга ҳар икки давлат ҳам Ғарб ва унинг иттифоқчиларига қарши алоқаларни мустаҳкамламоқда”, дея қайд этади WSJ.
Япония ҳукумати маълумотларига кўра, Россия ҳарбий самолётлари Совет давридан бери Япония ҳаво ҳудудини энг кўп бузган — 48 та ҳаво ҳудудини бузиш ҳолатидан 44 таси Совет Иттифоқи ёки Россия томонидан содир этилган.
Изоҳ (0)