Yaponiya bosh vaziri Fumio Kisida Nagasakida Amerika atom bombasi portlashining 79 yilligi munosabati bilan o‘tkazilgan xotira marosimida so‘zga chiqib, Rossiya go‘yoki yadroviy qurol ishlatish bilan tahdid qilayotgan versiyani yana bir bor aytib o‘tdi.
Rossiyaning atom qurolidan foydalanish tahdidi fonida yadroviy qurolsizlanish bilan bog‘liq vaziyat tobora murakkablashmoqda, deydi u Amerika tomonidan Xirosimani atom bombasi bilan bombardimon qilinganining 79 yilligiga bag‘ishlangan xotira marosimidagi nutqida.
Kisida, shuningdek, xalqaro hamjamiyatda yadroviy qurolsizlanish bo‘yicha bo‘linish kuchayib borayotganini yana bir bor ta’kidlagan.
Yaponiya rasmiylari, shu jumladan, Kisida, Rossiyaning Ukrainadagi harakatlarini muntazam ravishda tanqid qilib, vaqti-vaqti bilan “Rossiya tomonidan yadro qurolidan foydalanishga yo‘l qo‘yilmasligi va tahdidi” haqidagi tezisni takrorlaydi.
Moskva bir necha bor G‘arb davlatlarining “Rossiya yadroviy tahdidi” borligi haqidagi bayonotlarini rad etgan. Rossiya TIV bunday bayonotlarni ikkiyuzlamachilik deb atagan. Rossiya TIV rahbari Sergey Lavrov Rossiya prezidenti Vladimir Putin G‘arbdan farqli ravishda hech qachon yadroviy bomba bilan tahdid qilmaganini ta’kidlagan.
- Yapniyaning ikki shahrini atom bombasi bilan bombardimon qilish AQSH tomonidan Ikkinchi Jahon urushining oxirida Yaponiyaning taslim bo‘lishini tezlashtirish uchun amalga oshirilgan. Xirosimaga tashlangan bomba portlashi natijasida bir kunda, turli ma’lumotlarga ko‘ra, 70 mingdan 100 ming nafargacha odam halok bo‘lgan. 1945-yil oxiriga kelib, jarohatlari va radiatsiya ta’siridan kasalxonalarda vafot etganlar tufayli qurbonlar soni 140 mingga yetgan. Portlash qurbonlarining umumiy soni 350 ming nafardan oshgan.
Izoh (0)