Livan Isroil bilan mojaroning kuchayishi mumkinligi sababli “yangi G‘azo”ga aylanishi mumkin. Bu fikrni CNN telekanali orqali BMT bosh kotibi Antoniu Guterrish bildirdi.
“Men Livanning yangi G‘azoga aylanishi ehtimolidan xavotirdaman. Menimcha, bu butun dunyo uchun dahshatli fojia bo‘ladi”, dedi u.
Avvalroq Fransiya Livandagi vaziyatni muhokama qilish uchun BMT Xavfsizlik kengashi yig‘ilishini chaqirishni talab qilgani xabar berilgandi.
BMT Bosh assambleyasi sessiyasida Fransiya tashqi ishlar vaziri Jan-Noel Barro bu haqda ma’lum qildi. U tomonlarni “barcha uchun halokatli bo‘ladigan mintaqaviy keskinlikdan” qochishga chaqirdi.
Isroil 23-sentyabr kuni Livandagi yuzlab “Hizbulloh” obyektlariga havo hujumlari uyushtirdi. Oqibatda kamida 492 kishi, shu jumladan, 35 bola halok bo‘ldi. Livan amaldorlariga ko‘ra, bu 1975—1990-yillardagi fuqarolar urushi tugaganidan beri eng ko‘p qurbonlar hisoblanadi.
Izoh (0)