Nyu Yorkdagi muhokamalardan so‘ng G7 mamlakatlari tashqi ishlar vazirlari Ukraina tufayli Rossiyaga qarshi sanksiyalarni davom ettirishga qaror qilishdi.
Bu haqda tashqi ishlar vazirlarining muzokaralar yakunlari bo‘yicha bayonotida aytildi.
“Vazirlar Rossiyaga qarshi mavjud sanksiyalar va iqtisodiy choralar paketini kengaytirishni davom ettirishga tayyor ekanliklarini bildirdilar”, — deyiladi bayonotda.
Katta yettilik mamlakatlari Xitoy va Rossiyaning harbiy-sanoat majmuasini moddiy qo‘llab-quvvatlovchi boshqa mamlakatlardagi shaxslarga nisbatan milliy qonunchilikni buzmagan holda zarur choralarni ko‘rishni davom ettirish niyatini bildirdi.
Bu yerda gap Rossiya tomonining ushbu soha uchun tovarlarni sotib olish jarayonini soddalashtiradigan moliya institutlari va boshqa tuzilmalar haqida ketmoqda.
Bundan tashqari, energiya resurslari va boshqa tovarlardan Rossiya daromadlarining o'sishiga yo'l qo'ymaslik choralarini ko'rish rejalashtirilgan.
Xususan, G7 tomonidan Rossiyaning neft mahsulotlari narxlari bo'yicha kiritilgan maksimal cheklovlar bo‘yicha qo'shimcha choralar amalga oshirish ko‘zda tutilgan.
Izoh (0)