Joriy yilning 15-may kuni Slovakiya bosh vaziri Robert Fitsoga o‘q uzgan 71 yoshli yozuvchi Yuray Sintula qamoqdan ozod etishlarini so‘ramoqda. Bu haqda “Noviny” axborot portali xabar berdi.
Sintula Slovakiya sudi tomonidan chiqarilgan qarorni bekor qilishni so‘rab Oliy sudga murojaat qilgan. Yozuvchi xotini uyda uni kutib, o‘rnida yig‘lab yotganini ta’kidlagan va tezroq ozodlikka chiqarishlarini so‘ragan.
Mutaxassislar so‘rov rad etilishini taxmin qilmoqda, chunki uning sodir etgan jinoyati terakt sifatida tasniflanadi.
Slovakiya g‘arbidagi Gandlova shahrida sodir etilgan suiqasd chog‘ida Robert Fitso bir necha marta yaralangan, qator operatsiyalarni o‘tkazgan va faqat iyul oyida xizmatga qaytishga muvaffaq bo‘lgandi.
Slovakiyada hukumat rahbariga qilingan hujumdan so‘ng hukumat amaldorlari, siyosatchilar va yetakchi ommaviy axborot vositalari tahririyatlari xavfsizligini ta’minlash kuchaytirildi.
Izoh (0)