Hindiston bosh vaziri Narendra Modi Kiyevning Ukraina bo‘yicha ikkinchi “tinchlik sammiti”ni o‘tkazish taklifiga hozircha rozilik bermadi. Bu haqda manbalarga tayanib Bloomberg xabar berdi.
Qayd etilishicha, Hindiston Ukraina tashabbusidan ehtiyot bo‘lgan, chunki u Rossiyani kelishuv jarayonidan chetlatgan. Hindiston TIVning Bloomberg’ga ta’kidlashicha, “hozirgi bosqichda aniq shartlar va usullar haqida izoh berishga erta”.
Avvalroq Ukraina prezidenti Vladimir Zelenskiy Narenda Modiga Hindistonda Ukraina mojarosini hal qilish bo‘yicha konferensiya tashkil etishni taklif qilgani haqida xabar berilgandi. Maʼlumotlarga ko‘ra, Ukraina rahbari o‘z taklifini Hindiston bosh vazirining Kiyevga tashrifi chog‘ida bildirgan.
23-avgust kuni Modi Kiyevga bir kunlik tashrifi chog‘ida Zelenskiy bilan uchrashgandi. Tomonlar, jumladan, Rossiya—Ukraina mojarosini hal qilish masalasini muhokama qilishni rejalashtirgan. Modining Kiyevga tashrifi dasturi tafsilotlari oshkor etilmagan.
Modi, shuningdek, Zelenskiyga Hindiston va o‘zi shaxsan mojaroni hal qilishga hissa qo‘shishga tayyorligini ma’lum qilgan.
“Sizni ishontirib aytamanki, Hindiston tinchlikka erishish yo‘lida hissa qo‘shishga rozi. Men shaxsan tinchlikka erishish uchun do‘st sifatida har qanday rolni o‘ynashga tayyorman”, deya Modi so‘zlarini keltiradi Reuters nashri.
Izoh (0)