Toshkent shahrining Bektemir va Yunusobod tumanlarida bugun, 27-avgust kuni elektr taʼminoti vaqtincha o‘chirildi. Bu haqda “Toshkent shahar elektr tarmoqlari” MCHJ xabar berdi.
Unga ko‘ra, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarni oldini olish hamda mavjud elektr qurilmalarida taʼmirlash ishlarini olib borish maqsadida bugun, 27-avgust kuni quyidagi manzillarda elektr taʼminoti vaqtincha o‘chirildi:
- Bektemir tumani: “Musaffo” MFYning ayrim hududlarida soat 10:00 dan 17:00 gacha;
- Yunusobod tumani: “Billur” MFYning ayrim hududlarida soat 10:00 dan 19:00 gacha.
Yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligi aytildi. “Toshkent shahar elektr tarmoqlari” MCHJ mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘radi.
Izoh (0)