Rossiya rasmiylari hozir yadro qurolidan foydalanish doktrinasiga aniqlik kiritmoqda. Bu haqda Rossiya TIV rahbari Sergey Lavrov yamanlik hamkasbi bilan bo‘lib o‘tgan matbuot anjumanida ma’lum qildi.
![](/static/2024/08/27/photo_2024-08-27_19-23-21-lqALgnaC.jpg)
“Amerikaliklar Uchinchi jahon urushi sodir bo‘lsa, faqat Yevropaga ta’sir ko‘rsatishi mumkin, deb hisoblaydi. Bu vaziyatda Rossiyaning yadro qurolidan foydalanish doktrinasi borligini tushunish muhim. Aytmoqchi, hozir unga aniqlik kiritilmoqda va Amerika rasmiylari bu haqda juda yaxshi bilishadi”, deydi TIV rahbari.
Rossiya yetakchisi Vladimir Putin avvalroq Rossiya yadroviy doktrinasiga o‘zgartirishlar kiritishi mumkinligini aytgandi. Uning so‘zlariga ko‘ra, mamlakatda o‘ta kam quvvatli portlovchi yadroviy qurilmalar ishlab chiqilmoqda, G‘arbdagi ekspertlar esa bunday qurollardan foydalanish mumkinligi va ulardan foydalanish xavfli emasligini ta’kidlagan.
Putinning ushbu bayonotidan keyin AQSH Milliy xavfsizlik kengashi Vashington Moskva bilan Ukraina mojarosiga havola qilmasdan yadroviy xavf va qurol nazorati masalalarida gaplashishga ochiqligini aytgan.
Shuningdek, Qo‘shma Shtatlar nafaqat yadroviy xavflarni, balki Strategik qurollarni qisqartirish bo‘yicha shartnoma (START) vorisi bo‘ladigan kelishuv formatini ham muhokama qilishga tayyor.
Rossiya TIV vakili Sergey Ryabkovning taʼkidlashicha, Rossiya START shartnomasini amalga oshirishga qaytishi Vashington Moskvaga nisbatan dushmanlik yo‘lidan voz kechganidan keyingina mumkin bo‘ladi.
Izoh (0)