2024-yilning yanvar—iyun oylarida axborot-kommunikatsiya texnologiyalari (AKT) xizmatlarining mamlakat iqtisodiyotidagi ulushi 2,4 foizni tashkil etgan. Bu haqda Statistika agentligi xabar qildi.
Tarmoqda yaratilgan yalpi qo‘shilgan qiymat hajmining 47,7 foizi aloqa xizmatlari, 35,2 foizi kompyuter dasturlashtirish, maslahat berish va boshqa yordamchi xizmatlar, 9 foizi ma’lumotlarni joylashtirish va ishlov berish bo‘yicha xizmatlar, veb-portallar, 4,9 foizi dasturiy ta’minotni chiqarish, qolgan 3,2 foizi kompyuterlar va aloqa uskunalarini ta’mirlash xizmatlari hissasiga to‘g‘ri kelgan.
Avvalroq Statistika agentligi 2024-yilning yanvar—iyun oylarida kichik tadbirkorlik subyektlari tomonidan amalga oshirilgan mahsulot (ishlar va xizmatlar) importi hajmi 8 384,6 million AQSH dollarini yoki umumiy eksport hajmining 44,5 foizini tashkil etgani xabar berilgandi.
Hududlar bo‘yicha kichik tadbirkorlik subyektlari tomonidan amalga oshirilgan mahsulotlar (ishlar va xizmatlar) importining jami importga nisbatan eng yuqori ulushi Surxondaryo viloyatida (87,7 foiz) ekani ham aytib o‘tilgan.
Izoh (0)