2024 йилнинг январь—июнь ойларида ахборот-коммуникация технологиялари (АКТ) хизматларининг мамлакат иқтисодиётидаги улуши 2,4 фоизни ташкил этган. Бу ҳақда Статистика агентлиги хабар қилди.
Тармоқда яратилган ялпи қўшилган қиймат ҳажмининг 47,7 фоизи алоқа хизматлари, 35,2 фоизи компьютер дастурлаштириш, маслаҳат бериш ва бошқа ёрдамчи хизматлар, 9 фоизи маълумотларни жойлаштириш ва ишлов бериш бўйича хизматлар, веб-порталлар, 4,9 фоизи дастурий таъминотни чиқариш, қолган 3,2 фоизи компьютерлар ва алоқа ускуналарини таъмирлаш хизматлари ҳиссасига тўғри келган.
Аввалроқ Статистика агентлиги 2024 йилнинг январь—июнь ойларида кичик тадбиркорлик субъектлари томонидан амалга оширилган маҳсулот (ишлар ва хизматлар) импорти ҳажми 8 384,6 миллион АҚШ долларини ёки умумий экспорт ҳажмининг 44,5 фоизини ташкил этгани хабар берилганди.
Ҳудудлар бўйича кичик тадбиркорлик субъектлари томонидан амалга оширилган маҳсулотлар (ишлар ва хизматлар) импортининг жами импортга нисбатан энг юқори улуши Сурхондарё вилоятида (87,7 фоиз) экани ҳам айтиб ўтилган.
Изоҳ (0)