Rossiya 26-avgust kuni Ukrainaga eng yirik qo‘shma zarbalardan birini berdi. Turli xildagi yuzdan ortiq raketa va yuzga yaqin Shahed dronlari uchirildi. Bu haqda Ukraina prezidenti Vladimir Zelenskiy ma’lum qildi.
![](/static/2024/08/26/photo_2024-08-26_15-58-29-2bMtgvi0.jpg)
Zelenskiy bu hujum, avvalgilar singari “qabih” bo‘lib, aksariyat hududlarda: Xarkov viloyati va Kiyevdan tortib Odessa hamda g‘arbiy viloyatlargacha bo‘lgan muhim fuqarolik infratuzilmasiga qaratilganini aytdi. Siyosatchi hujum oqibatida qurbonlar borligi, o‘nlab odamlar yaralanganini ta’kidlab, ularning oila a’zolarga hamdardlik bildirdi.
Energetika obyektlarida ko‘plab shikastlanishlar yuz bergan. Biroq, elektr ta’minoti uzilgan barcha hududlarda tiklash ishlari allaqachon davom etmoqda. Ta’mirlash guruhlari kecha-yu kunduz ishlashni davom ettiradi. Elektr ta’minotini albatta tiklaymiz.
Putin o‘zini o‘zgartirmaydi: xasta mavjudot ekani hammaga aniq. Lekin shunisi ham aniqki: u dunyo unga ruxsat bergan narsalarnigina qila oladi. Zaiflik va yetarlicha qat’iy bo‘lmagan qarorlar terrorizmni oziqlantiradi. Har bir yetakchi, har bir hamkorimiz, bu urushni adolatli to‘xtatish uchun qanday kuchli qarorlar zarurligini biladi. Ukrainada uzoq masofali qurollar bo‘yicha cheklovlar bo‘lishi mumkin emas, ayniqsa terrorchilarda bunday cheklovlar yo‘q bo‘lmaganida, dedi Ukraina prezidenti.
U G‘arb qurollari bilan Rossiya hududiga zarba berishga qo‘yilgan cheklovlarni olib tashlashga chaqirdi.
Hayotni himoya qiluvchilarda qurol-yarog‘ bo‘yicha cheklovlar bo‘lishi mumkin emas, ayniqsa Rossiya o‘zining barcha turdagi qurollarini, Shahed’larni va Shimoliy Koreyadan ballistik raketalarni qo‘llayotgan bo‘lsa. Amerika, Britaniya, Fransiya va boshqa hamkorlar terrorizmni to‘xtatishda bizga yordam berishga qodir. Qarorlar zarur, dedi Zelenskiy.
Rossiyaning ommaviy hujumi
26-avgust kuni Rossiya qo‘shinlari Ukrainaga yalpi zarbalar berdi. Energetika vaziri German Galushenko Ukrainaning turli hududlaridagi energetika infratuzilmasi obyektlari nishoniga olinganini aytdi.
Ukraina bosh vaziri Denis Shmigal hujum natijasida 15 ta viloyat zarar ko‘rganini bildirdi. Rossiya Mudofaa vazirligi Ukraina harbiy-sanoat majmuasi faoliyatini ta’minlovchi energetika infratuzilmasi obyektlariga “yuqori aniqlikdagi qurollar bilan ommaviy zarba” berganini ma’lum qildi.
Izoh (0)