Shimoliy Koreya yetakchisi Kim Chen In quruqlik va dengizdagi nishonlarni yo‘q qilishga mo‘ljallangan yangi dronlarni sinovdan o‘tkazishga shaxsan rahbarlik qildi. Bu haqda KCNA xabar berdi.
Sinov davomida dronlar oldindan belgilangan parvoz yo‘nalishlariga amal qilgan holda nishonlarni aniqlab, ularni yo‘q qilgan. Kim Chen In urushga tayyorgarlikda turli xil dronlarni ishlab chiqish va ularning jangovar imkoniyatlarini oshirish muhim rol o‘ynashini aytgan.
U dronlarni rivojlantirish va ishlab chiqarishni kuchaytirish zarurligini ta’kidlab, ularni jangovar qo‘llashni yanada intensivroq sinovdan o‘tkazishga va harbiy bo‘linmalarni yangi texnologiyalar bilan tezda jihozlashga chaqirgan.
“Biz nafaqat strategik razvedka dronlari va ko‘p maqsadli hujum dronlarini, balki taktik piyoda bo‘linmalari va maxsus kuchlar uchun turli xil kamikadze dronlarni ham faol ravishda ishlab chiqishimiz va ularning ishlab chiqarilishini ko‘paytirishimiz zarur”, deydi Kim Chen In.
-ujlzN0fr.jpg)
Shimoliy Koreya yetakchisi mamlakatning yarim orolda joylashgan geografik o‘rni tufayli nafaqat yadro torpedasi kabi suv osti strategik qurollarini ham “to‘xtovsiz” ishlab chiqish zarurligini ta’kidlagan. Shuningdek, ularni yaratishda sun’iy intellekt texnologiyalarini faol qo‘llash kerakligini aytgan.
Kim Chen In ishlab chiqaruvchilar oldiga vazifalar qo‘yib, ularni amalga oshirish yo‘llarini ko‘rsatib bergan.
Izoh (0)