Kino sanoati har qanday qonunlardan qat’i nazar, aktyordan maksimal darajada foydalanadi. Balki maktab yoshida bunday mashhurlik har qanday bolaga yqar, lekin keyinchalik ham bosh rollarga munosib ko‘rishadimi, yo‘qmi dargumon.
Kiran Kalkin
Kiran Kalkin ikki yoshida sahnada debyut qilgan. U akalari — Makoley va Roridan omadliroq chiqdi. Ularning menejeri bo‘lgan otasi Kiranni tijorat nuqtayi nazaridan yoqimsiz deb hisoblardi, shuning uchun kaltaklash va shafqatsiz jazo ko‘rinishidagi “otalik mehri”ning asosiy qismlari akalariga tushadi va Kiran mashhur bo‘lmaslikka harakat qiladi.
Taxminan 90-yillarda otam ikki-uch haftaga qayergadir ketdi. Enaga esa onamga: “Bilasizmi, ularning dadasi uch haftadan beri yo‘q, lekin hech biri uning qayerdaligini so‘ramadi” dedi, deb eslaydi Kiran.
O‘smirlik yillarida Kiran kichik loyihalarda paydo bo‘ladi. Ulg‘ayganda esa “Qog‘oz odam”, “Skott Pilgrim dunyoga qarshi”, “Fargo” filmlarida ijro etadi.
Kalkin “Avlodlar” serialida bosh qahramonlardan birini o‘ynaydi. U “Avlodlar”da ishlashni shunchalik yaxshi ko‘rardiki, faqat shu loyihada u o‘zining bundan oldingi deyarli 30 yillik faoliyati behuda ketmaganini tushunadi.
ushbu serialdagi xudbin Roman Roy roli uchun Kiran Kalkin “Emmi” va “Oltin globus” bilan taqdirlanadi.
Zak Efron
Zak Efron qanchalik qo‘rqinchli manyaklarni yoki romantik erkaklarni o‘ynamasin, ko‘pchilik uchun u Disney’ning “Ajoyib myuzikl” trilogiyasidagi o‘smir bola bo‘lib qoladi.
Bolalik va o‘smirlik davrida aktyor “Zak va Kodining hayoti” kabi shoularda, “Yonarqo‘ng‘iz” va “Tez yordam” seriallarida rol o‘ynashga muvaffaq bo‘ladi. Ammo Zak 18 yoshga to‘lganida uni yulduzga aylantirgan “Ajoyib myuzikl” seriali edi. U voyaga yetganidan so‘ng, maktab o‘quvchilari orasida shunchalik mashhur bo‘lib ketadiki, yoshlarning kumiri roli aktyorga mustahkam o‘rnashib qoladi.
Yaqinda internet foydalanuvchilari Efronning tashqi ko‘rinishi sezilarli darajada o‘zgarganini payqadi. Aktyorning o‘zi bir-ikki yil avval jag‘i singanidan keyin yuzi shakli o‘zgarganini aytdi. Zak Efron “yangi” yuzi bilan kurashchilar sulolasi haqidagi “Po‘lat changal”dramasida o‘ynagan. Kurash va ekranda chinakam nozik aktyorlik o‘yinini uyg‘unlashtirish uchun juda ko‘p iste‘dod talab etiladi, Efron buni uddaladi.
Yaqinda aktyor hovuzda hushsiz holda topildi va shoshilinch kasalxonaga yotqizildi. Ma’lum bo‘lishicha, Efron suvga sakrayotganda yiqilib tushgan, ammo jiddiy jarohat olmagan. Bir necha kundan keyin u sport bilan shug‘ullanayotgan suratlarini tarmoqqa joylashtirdi.
Rupert Grint
Agar Deniyel Redkliff o‘zini mustaqil kino yulduzi, Emma Uotson esa jiddiy aktrisa va ijtimoiy faol sifatida ko‘rsatgan bo‘lsa, “Garri Potter”ning boshqa yulduzi Rupert Grintga esa omad kulib boqmadi.
Ko‘p intervyularda Grint Ron rolini o;ynashga qiynalmaganini tan oladi: gap shundaki, Uizli qahramoniga shunchalik aniq kirib borganki, 12 yoshli bola uchun bu shunchaki xavfli bo‘lib chiqdi. Yoshi tufayli shaxsiy chegaralar o‘zgarmaganligi sababli Rupert Grint kim va Ron Uizli kim ekanini bilib bo‘lmasdi.
Keyinchalik rejissyorlar Grintga xuddi shunday rollarni taklif qilishadi. Shundan so‘ng Rupert mazkur obrazidan boshqa hech narsa o‘ynay olmasligi tufayli kuchli qo‘rquvni boshdan kechiradi. Bu orada Grintning o‘zini o‘zi anglash bilan bog‘liq muammolari borligi haqida mish-mishlar tarqaladi.
Shuning uchun Grint uzoq vaqt davomida yirik loyihalarga taklif qilinmaydi. Ammo so‘nggi yillarda hozirda 36 yosh bo‘lgan Rupert Grintga omad kulib boqa boshladi. Aktyor Shyamalan e’tiboriga tushadi — u “Xizmatkor” teleserialida va “Taqillagan eshik” filmida suratga tushadi. Rupert, shuningdek, “Gilermo del Toroning g‘aroyib kabineti” serialining epizodlaridan birida ko‘rinish bergan.
Tomas Brodi-Sangster
Maftunkor, jingalak sochli bolakay Tomas Brodi-Sangster yoshligidanoq “Chin muhabbat”, “Mening qattiqqo‘l enagam” va “So‘nggi legion” kabi xit filmlari bilan tanilgan. 2024-yilda Tomas aktrisa va Ilon Maskning sobiq rafiqalaridan biri — Talula Rayliga uylandi.
Tomasning unutilmas ko‘rinishi deyarli uning tavqi la’natiga aylanadi: garchi Brodi-Sangster 34 yoshda bo‘lsa ham yillar davomida o‘spirin qiyofasini saqlab qoladi. Bo‘y 180 santimetr bo‘lsa-da, lekin tashqi ko‘rinishi o‘smirnikidek bo‘lsa, aktyor uchun bu fojiadan boshqa narsa emas.
Ko‘p jihatdan unga uchta filmda Nyut rolini o‘ynagan mashhur “Labirintdagilar” seriali yordam beradi. Ammo haqiqiy mashhurlik aktyorning “Qirolicha yurishi” filmidagi roli bo‘ldi: hamma Anya Teylor-Joy haqida aqldan ozgan bir paytda, kino muxlislari Tomas haqiqatan ham ulg‘ayganini va bu tajriba natijasi ekanligini ta‘kidlashdi.
Izoh (0)