BMT G‘azo sektoridagi harbiy amaliyotlar chog‘ida 115 dan ortiq chaqaloq halok bo‘lganini ma’lum qildi

Falastinning HAMAS harakati va Isroil o‘rtasidagi mojaro boshlanganidan buyon G‘azo sektorida 115 chaqaloq halok bo‘ldi.

Bu haqda BMTning bosib olingan Falastin hududlaridagi gumanitar masalalarni muvofiqlashtirish boshqarmasi ma’lum qildi.

Boshqarmaning keltirishicha, halok bo‘lganlarning barchasi sakkiz oylikdan kichik bo‘lgan chaqaloqlardir.

“Ularning 48 nafari (42 foiz) hali bir oylik ham bo‘lmagan”, deyiladi hujjatda.

Avvalroq Falastin Sog‘liqni saqlash vazirligi joriy yilning 1-avgust holatiga ko‘ra, shaxsi aniqlangan va hujjatlashtirilgan 32,3 ming nafar halok bo‘lganlar orasida 10,6 ming bola, jumladan, 663 nafar bir yoshgacha bo‘lgan go‘daklar borligi haqida xabar bergan edi.