Фаластиннинг ҲАМАС ҳаракати ва Исроил ўртасидаги можаро бошланганидан буён Ғазо секторида 115 чақалоқ ҳалок бўлди.
Бу ҳақда БМТнинг босиб олинган Фаластин ҳудудларидаги гуманитар масалаларни мувофиқлаштириш бошқармаси маълум қилди.
Бошқарманинг келтиришича, ҳалок бўлганларнинг барчаси саккиз ойликдан кичик бўлган чақалоқлардир.
“Уларнинг 48 нафари (42 фоиз) ҳали бир ойлик ҳам бўлмаган”, дейилади ҳужжатда.
Аввалроқ Фаластин Соғлиқни сақлаш вазирлиги жорий йилнинг 1 август ҳолатига кўра, шахси аниқланган ва ҳужжатлаштирилган 32,3 минг нафар ҳалок бўлганлар орасида 10,6 минг бола, жумладан, 663 нафар бир ёшгача бўлган гўдаклар борлиги ҳақида хабар берган эди.
Изоҳ (0)