AQSHning Toshkentdagi elchixonasi eskirgan xizmat avtomobillari ochiq auksion orqali sotishini e’lon qilgandi. Elchixona ushbu auksion qoldirilganini bildirdi.
![](/static/2024/08/16/photo_2024-08-16_12-57-00-TxOvTf7D.jpg)
Auksion 17-avgust kuni boshlanishi kerak edi. Unda sotish uchun 7 ta avtomobil qo‘yilgan:
- 2 ta Ford Econoline Cargo furgoni — boshlang‘ich narxi 100 dollar;
- 2 ta Chevrolet Colorado pikapi — boshlang‘ich narxi 2500 dollar;
- 2 ta RAM 1500 pikapi — boshlang‘ich narxi 3500 dollar;
- Chevrolet Impala Limited — boshlang‘ich narxi 5000 dollar.
To‘lov naqd pulda, AQSH dollarida yoki o‘zbek so‘mi ekvivalentida amalga oshirilishi, milliy valyutada to‘lov amalga oshirilganda kamida 50 000 so‘mlik banknotalar qabul qilinishi belgilangan.
Avtomobillar ular uchun eng yuqori narx bergan shaxsga sotiladi. Auksionda sotib olingan avtomashinalar hech qanday kafolatlarga ega emas. Auksionga qo‘yilgan avtomobillar bojxona rasmiylashtiruvidan o‘tkazilishi shart. Xaridor transport vositasini sotib olish bilan bog‘liq barcha bojxona to‘lovlari, soliqlar va boshqa to‘lovlar uchun o‘zi javobgar.
Elchixona xabarida aytilishicha, auksion katta qiziqish tufayli, unda qatnashish uchun ro‘yxatdan o‘tganlarni ko‘rib chiqish uchun qoldirildi.
Izoh (0)