Лондон клуби футболчиси “Атлетико Мадрид” клубига ўтиши керак эди. Аммо баъзи муаммолар сабаб футболчи Англияга қайтишга мажбур бўлди.
Энди “Челси” ярим ҳимоячиси кетиши кутилаётган жамоадошлари Чалоба ва Ромелу Лукаку билан бирга клубнинг ёшлар жамоасида машғулотларни давом эттириши кутилмоқда.
Аввалроқ “Атлетико” англиялик ярим ҳимоячини 34 млн фунтга сотиб олиши хабар қилинганди, аммо “Челси” билан келишув ҳалигача ёпилмаган. Мадридликлар ҳужумчиси Саму Омородионнинг “аристократлар” сафига трансфери муваффақиятсизликка учрагач, клублар келишувга Жоау Феликсни қўшиш имкониятини муҳокама қилмоқда.
Тиббий кўрикдан ўтган ва трансфер эълон қилинишини кутаётган Галлаҳер сўнгги беш кунни Мадриддаги меҳмонхоналардан бирида мустақил машғулотлар билан ўтказганди.
Маълумот учун, ёз бошида 24 ёшли инглиз футболчиси “Челси”нинг янги шартнома бўйича таклифини, шунингдек, “Астон Вилла”га ўтиш имкониятини ҳам рад этганди. Энди у “Атлетико” трансферга қайтишини ёки бошқа клублардан таклифларни кутиши керак.
Изоҳ (0)