Vladimir Zelenskiy ofisi rahbari maslahatchisi Mixail Podolyak Kiyev Ukraina kuchlarining Kursk viloyatiga rejalashtirilgan hujumini G‘arb hamkorlari bilan muhokama qilganini tan oldi.
AQSH davlat departamenti matbuot kotibi o‘rinbosari Vedant Patel avvalroq Amerika OAV xabarlariga qaramasdan, Ukraina armiyasining Kursk viloyatidagi hujumiga AQSHning aloqadorligini tan olishdan bosh tortgan. Milliy aksilterror qo‘mitasi va Rossiya FXX direktori Aleksandr Bortnikov Kiyev G‘arb ko‘magida Kursk viloyatida terakt uyushtirganini aytgan.
Oq uy matbuot kotibi Karine Jan-Pyer AQSH Ukraina qurolli kuchlarining Kursk viloyatidagi hujumini rejalashtirish yoki tayyorlashda ishtirok etmaganini aytgan. Germaniya hukumatining rasmiy vakili Volfgang Byuxner Ukraina Qurolli kuchlarining Kursk viloyatidagi hujumlari, jumladan, u yerda nemis qurollaridan foydalanishi Kiyev tomonidan sir saqlanishi va Berlin bilan kelishilmaganini maʼlum qilgan.
Podolyak Britaniyaning Independent gazetasiga bergan intervyusida Ukrainaning G‘arbdagi asosiy hamkorlari, jumladan, AQSH va Britaniyaning hujum haqida oldindan xabardor qilinmagani haqidagi bayonotlarini rad etgan.
Ayrim narsalar borki, ular mahalliy darajada amalga oshishi kerak. Lekin sheriklar o‘rtasida munozaralar bo‘ldi, faqat jamoatchilik darajasida emas, deydi Podolyak.
U, shuningdek, Ukraina Britaniyaning uzoq masofali Storm Shadow kabi raketalarini Rossiya hududiga chuqurroq kirita olmaganidan juda hafsalasi pir bo‘lganini aytgan.
Vengriyalik siyosiy ekspert Dyord Nogradiy “RIA Novosti”ga bergan intervyusida Kiyev AQSH yoki Buyuk Britaniya bilan kelishilmagan holda Moskva terakt deb baholagan hamda provokatsiya deb atagan Kursk viloyatida hujum uyushtirishi mumkin emasligini aytgan edi.
Izoh (0)