Владимир Зеленский офиси раҳбари маслаҳатчиси Михаил Подоляк Киев Украина кучларининг Курск вилоятига режалаштирилган ҳужумини Ғарб ҳамкорлари билан муҳокама қилганини тан олди.
АҚШ давлат департаменти матбуот котиби ўринбосари Ведант Пател аввалроқ Америка ОАВ хабарларига қарамасдан, Украина армиясининг Курск вилоятидаги ҳужумига АҚШнинг алоқадорлигини тан олишдан бош тортган. Миллий аксилтеррор қўмитаси ва Россия ФХХ директори Александр Бортников Киев Ғарб кўмагида Курск вилоятида теракт уюштирганини айтган.
Оқ уй матбуот котиби Карине Жан-Пьер АҚШ Украина қуролли кучларининг Курск вилоятидаги ҳужумини режалаштириш ёки тайёрлашда иштирок этмаганини айтган. Германия ҳукуматининг расмий вакили Волфганг Бюхнер Украина Қуролли кучларининг Курск вилоятидаги ҳужумлари, жумладан, у ерда немис қуролларидан фойдаланиши Киев томонидан сир сақланиши ва Берлин билан келишилмаганини маълум қилган.
Подоляк Британиянинг Independent газетасига берган интервьюсида Украинанинг Ғарбдаги асосий ҳамкорлари, жумладан, АҚШ ва Британиянинг ҳужум ҳақида олдиндан хабардор қилинмагани ҳақидаги баёнотларини рад этган.
Айрим нарсалар борки, улар маҳаллий даражада амалга ошиши керак. Лекин шериклар ўртасида мунозаралар бўлди, фақат жамоатчилик даражасида эмас, дейди Подоляк.
У, шунингдек, Украина Британиянинг узоқ масофали Storm Shadow каби ракеталарини Россия ҳудудига чуқурроқ кирита олмаганидан жуда ҳафсаласи пир бўлганини айтган.
Венгриялик сиёсий эксперт Дёрд Ноградий “РИА Новости”га берган интервьюсида Киев АҚШ ёки Буюк Британия билан келишилмаган ҳолда Москва теракт деб баҳолаган ҳамда провокация деб атаган Курск вилоятида ҳужум уюштириши мумкин эмаслигини айтган эди.
Изоҳ (0)