Parij Olimpiadasida yengil atletika bo‘yicha bahslar davom etmoqda.
Yengil atletika bo‘yicha O‘zbekiston terma jamoasi aʼzosi Safina Sadullayeva bugungi ishtirokini boshlab berdi. Balandlikka sakrash dasturining saralash bosqichida ishtirok etayotgan sportchi dastlabki ikki urinishni muvaffaqiyatli o‘tkazdi. Sadullayeva 1.83 va 1.88 metr balandliklarni birinchi harakatning o‘zida zabt eta oldi.
Sportchi keyingi urinishlariga 1.92, 1.95, 1.97 metr balandlikni tanladi. Yakunda balandlikka sakrash dasturining saralash bosqichida ishtirok etgan o‘zbekistonlik sportchi В guruhida 1.95 metr natija qayd etdi.
Mavsumdagi eng yaxshi natijasini ko‘rsatgan Sadullayeva shu tariqa 4-avgust kuni bo‘lib o‘tadigan final dasturiga yo‘llanma oldi
Izoh (0)