Anjelina Joli va Bred Pittning kenja qizi teatrga katta qiziqish bildirmoqda. Vivyen ushbu san’at turi bilan yaqindan tanishish hamda sohaning har bir jihatini batafsil o‘rganish uchun faoliyatni oddiy ishdan boshlashdan qo‘rqmaydi. U “Chekishning telbalikka olib kelishi: myuzikl” (Reefer Madness: The Musical) taqdimotida bilet sotuvchisi sifatida ishlab ko‘rdi.
Tadbir 30-iyul, seshanba kuni Kaliforniyaning Los Anjeles shahridagi Whitley mehmonxonasida bo‘lib o‘tdi. Vivyen tashkilotchi xodimlar bilan suhbatlashishga ketishdan oldin tadbirga tashrif buyurgan mehmonlarga o‘z joylarini topishga yordam berdi. Spenser Liff rejissyorligi va xoreografiyasi ostidagi qayta tiklangan shou Gollivud sahnasida 27-oktyabrgacha namoyish etiladi.
Ushbu kechadan 25 yil avval myuziklda ishtirok etgan aktyorlarning qo‘shiqlari va hikoyalari o‘rin oldi. Yulduzlardan Kristen Bell, Kristian Kempbell, Garri S. Myorfi, Jon Kassir, Lori Alan, Steysi Sibli, Larri Poindekster, Samanta Harris, Aukaya Keyna va Pol Nigro kabi aktyorlar ishtirok etdi. “Chekishning telbalikka olib kelishi: myuzikl” ilk bor 1998-yilda Los Anjelesda namoyish etilgan.
Avvalroq Vivyen 30-may kuni onasi Anjelina Joli bilan birga Kristin Bellni qo‘llab-quvvatlash uchun “Uyg‘onish” (The Revival) filmi premyerasida qatnashgan edi. Meri Leyn obrazini gavdalantirgan aktrisa “Malefisent” yulduzi Vivyen haqida o‘zining samimiy fikrlarini bildirib o‘tdi:
“Anjelina meni qo‘llab-quvvatlash uchun film premyerasiga tashrif buyurishini aytganida juda quvondim. Bu teatr san’ati yaxshi yo‘lga qo‘yilmagan Los Anjeles uchun yaxshi ishora”, dedi Kristin.
Vivyenning teatrga bo‘lgan qiziqishi ortishiga Frensis Ford Koppolaning 1983-yilda suratga olingan “Quvilganlar” filmi asosida sahnalashtirilgan “Quvilganlar” (The Outsiders) spektakli turtki bo‘ldi. Vivyen ushbu loyiha ustida ko‘ngilli yordamchi sifatida ishladi va spektakl 2024-yilda “Toni” mukofotida eng yaxshi musiqiy film nominatsiyasida g‘olib chiqdi.
Izoh (0)