Nafaqat tashqi ko‘rinishi, balki iste’dodi bilan ham olamshumul mashhurlikka erishgan hind aktyorlari (foto)

Mazkur Bollivud aktyorlari o‘zining mehnatkashligi va iste’dodi bilan nafaqat Hindistonda, balki butun dunyoda ham muvaffaqiyatga erishgan.

Ritik Roshan

Ritik Roshan ijodkorlar oilasida tug‘ilgan — otasi aktyor, amakisi bastakor, bobosi esa rejissyor bo‘lgan. Shu sababli uning kelajagi oldindan belgilab qo‘yilgan edi. Yoshligida u juda og‘ir vaqtlarni o‘tkazadi, chunki u duduqlanish va qo‘lidagi ortiqcha barmog‘idan xavotirda edi. Kelajakda uning nutqidagi muammolar bartaraf etiladi, natijada o‘ziga bo‘lgan ishonchi ortadi. U birinchi marta bolaligida — 1980-yilda filmlarda o‘ynagan, 2000-yilda esa “Sevishingni ayt” filmida kattalar rolini ijro etadi. U “Gohi shodlik, gohi g‘am”, “Biz yolg‘iz emasmiz”, “Krish” va “O‘sha kun” filmlari tufayli mashhur bo‘ldi. Shuningdek, u nufuzli Filmfare mukofoti sovrindori hisoblanadi.

Shahid Kapur

Shahid Kapurning otasi aktyor, onasi esa aktrisa va raqqosa. Maktabdan so‘ng u kollejning San’at bo‘limida o‘qiydi. Shahid raqs akademiyasida ham tahsil olgan, shuning uchun u “Sevgi ritmlari” filmida raqqos sifatida ishtirok etgan. U Pepsi reklama roligida suratga tushishga taklif qilinguncha uzoq vaqt xoreografiya o‘qituvchisi bo‘lib ishlaydi. Keyinchalik “Sevgi nima?” filmida suratga tushgan Shahid Kapur kelajakda mashhur Bollivud aktyorlari bilan birga ko‘plab muvaffaqiyatli filmlarda o‘ynaydi. 2015-yilda “Haydar” filmidagi roli uchun Filmfare mukofotini qo‘lga kiritadi.

Shohrux Xon

Shohrux Xon dunyodagi eng boy aktyorlardan biri bo‘lib, Filmfare mukofotlari bo‘yicha ham rekordchi hisoblanadi. U oddiy oilada tug‘ilgan, iqtisod yo‘nalishi bo‘yicha universitetni ham tamomlagan. Keyinchalik u ommaviy kommunikatsiyalar bo‘yicha magistr darajasini oladi, lekin oxir-oqibat aktyor bo‘lishga qaror qiladi. Birinchi filmi “Kabare raqqosi” edi. Uning filmografiyasida 100 dan ortiq filmlar mavjud bo‘lib, ularning aksariyati tanqidchilar tomonidan yuqori baholangan.

Akshay Kumar

Yoshligida Akshay Kumar sportni yaxshi ko‘rardi, bu unga jang san’ati o‘qituvchisi bo‘lishga imkon beradi. Bir kuni uning fotosuratchi shogirdlaridan biri uni modellikka taklif qiladi. U professional fotosuratlar portfelini to‘playdi va ularni kinoprodyuserlarga yuboradi. 1991-yilda u “Qasam” filmida birinchi rolini o‘ynaydi. Ammo u faqat “Omadsiz o‘g‘rilik” trilleridan keyingina mashhur bo‘ladi. Buning ortidan yanada muvaffaqiyatli filmlarda ishtirok etadi — bu unga Filmfare mukofoti sovrindori bo‘lishiga yordam beradi.

Siddharth Malhotra

18 yoshida Siddharth Malhotra modellik faoliyatini boshlaydi, ammo 4 yildan so‘ng u aktyorlik kasbi sabab modellikdan ketadi. Dastlab u “Mening ismim Xon” filmida rejissyor Karan Joharning yordamchisi bo‘lib ishlagan. 2012-yilda u “Yil talabasi” filmida rol o‘ynashga muvaffaq bo‘lgan. Olamshumul mashhurlik “Yovuz” filmidan keyin nasib qiladi. Ayni paytda u 28 ta filmda rol o‘yangan va yangi loyihalarda faol ishtirok etishda davom etmoqda.

Salmon Xon

Salmon Xon o‘zining aktyorlik faoliyatini 22 yoshida “Rafiqa” filmi bilan boshlaydi. Filmda u ikkinchi darajali rolni o‘ynaydi, bosh rolni esa afsonaviy aktrisa Bhanurekha Ganeshan o‘ynaydi. Salmonga muvaffaqiyat 1989-yilda “Men seni sevardim” filmidan keyin keladi. Film hind kinosida shu qadar mashhur bo‘ladiki, aktyor “Eng yaxshi debyut” va “Eng yaxshi aktyor” nominatsiyalarida Filmfare mukofotini qo‘lga kiritadi. Faoliyati davomida u 139 ta filmda suratga tushgan.

Ranvir Singh

Ranvir Singh bolaligidanoq aktyor bo‘lishni, maktab spektakllarida rol o‘ynashni va qarindoshlarini raqslar bilan xursand qilishni orzu qilgan. Ammo biroz ulg‘aygach, o‘zi xohlagan narsaga erishish oson bo‘lmasligini tushunib, tijorat va iqtisod yo‘nalishi bo‘yicha kollejga o‘qishga kiradi. Shu sabab u AQSHdagi San’at universitetiga o‘qishga kiradi. O‘qishni tamomlab, vataniga qaytgan Ranvir avval reklama sohasida, so‘ngra kinoda rejissyor yordamchisi sifatida ishlay boshlaydi. U 2010-yilda “G‘aroyib to‘y” filmida debyut qilgan va bu film uchun Filmfare mukofotiga sazovor bo‘lgan.