O‘zbekistonning ayrim hududlarida 2-avgust kuni yerosti silkinishlari qayd etildi. Bu haqda FVV Seysmoprognostik monitoring markazi xabar berdi.
Qayd etilishicha, 2-avgust kuni Toshkent vaqti bilan 10:39 da O‘zbekiston hududida zilzila sodir bo‘ldi. Episentr — Buxoro viloyati, G‘ijduvon tumani. Zilzila koordinatalari: 40,42 gradus shimoliy kenglik; 65,19 gradus sharqiy uzunlik. Magnituda М=4,4. Chuqurlik 10 kilometr. Zilzila episentri Toshkentdan 351 kilometr janubi-g‘arbda.
O‘zbekiston hududida sezilish kuchi:
- Navbahor tumanida 2-3 ball,
- G‘ijduvon tumanida 2 ball,
- Navoiy shahrida 2 ball,
- Karmana tumanida 2 ball.
Bundan oldin Andijon viloyatida 18-iyun kuni, 31-may kuni Jizzax viloyatida yerosti silkinishlari qayd etilgandi. Shuningdek, 5-mayda Namangan viloyatida 3,7 magnitudali, 19-aprel kuni esa Qashqadaryo viloyatida kuchsiz zilzila kuzatilgandi.
Izoh (0)