Xalqaro Olimpiya qo‘mitasi (XOQ) matbuot kotibi Mark Adams tashkilot rahbari Tomas Bax va Falastin yetakchilari o‘rtasida uchrashuv bo‘lganini ta’kidladi.
Falastin hukumati a’zolari G‘azo sektorida davom etayotgan jangovar harakatlar tufayli Isroil terma jamoasini Parij—2024 o‘yinlaridan chetlashtirishni talab qilgan.
“Odamlarni tinglasangiz, hozir dunyoda 20-30 ta davlatda urush davom etmoqda. Agar barcha jamoalarning shikoyatiga quloq tutsak, bu yerda hech kim bo‘lmasdi. Siyosatchilar tinchlik olib kelishi mumkin. Bizning vazifamiz sportchilarni birlashtirishga harakat qilishdir”, deya Adamsning so‘zlarini keltiradi Daily Mail.
Ma’lumot uchun, 2024-yilgi Olimpiya o‘yinlari 11-avgustga qadar davom etadi. Ushbu Olimpiadadan Belarus hamda Rossiya davlati chetlatilgan. Rossiyalik sportchilar neytral maqomda musobaqalarda qatnashmoqda.
Izoh (0)