Халқаро Олимпия қўмитаси (ХОҚ) матбуот котиби Марк Адамс ташкилот раҳбари Томас Бах ва Фаластин етакчилари ўртасида учрашув бўлганини таъкидлади.
Фаластин ҳукумати аъзолари Ғазо секторида давом этаётган жанговар ҳаракатлар туфайли Исроил терма жамоасини Париж—2024 ўйинларидан четлаштиришни талаб қилган.
“Одамларни тингласангиз, ҳозир дунёда 20-30 та давлатда уруш давом этмоқда. Агар барча жамоаларнинг шикоятига қулоқ туцак, бу ерда ҳеч ким бўлмасди. Сиёсатчилар тинчлик олиб келиши мумкин. Бизнинг вазифамиз спортчиларни бирлаштиришга ҳаракат қилишдир”, дея Адамснинг сўзларини келтиради Daily Mail.
Маълумот учун, 2024 йилги Олимпия ўйинлари 11 августга қадар давом этади. Ушбу Олимпиададан Беларусь ҳамда Россия давлати четлатилган. Россиялик спортчилар нейтрал мақомда мусобақаларда қатнашмоқда.
Изоҳ (0)