Ijtimoiy tarmoqlarda Chust tumani Madaniyat va istirohat bog‘ida attraksiondan fuqarolar tushib ketgani aks etgan videolavhalar tarqaldi. Holat yuzasidan Chust tuman hokimligi axborot xizmati munosabat bildirdi.
Maʼlum qilinishicha, 30-iyul kuni Chust bog‘ida attraksionni boshqarish davomida texnik nosozlik sabab attraksion daraxt shoxiga urilishi natijasida 3 kishi yengil tan jarohati, 1 nafar fuqaro oyoq son suyagi sinishi natijasida tez yordam bo‘limiga olib borilgan.
Bemorlarga tez yordam ko‘rsatilgan va o‘sha kunning o‘zida javob berilgan.
“Ayni damda reanimatsiya bo‘limida og‘ir ahvolda ekan, deb aytilgan xabarlar asossiz”, deya qo‘shimcha qilinadi xabarda.
Qayd etilishicha, holat yuzasidan tegishli tashkilot xodimlari tomonidan o‘rganish ishlari olib borilmoqda.
Izoh (0)