Осиё тараққиёт банки Ўзбекистонга 400 млн доллар қарз ажратиши, мамлакатда сотилаётган Афғонистоннинг анорли ичимлиги сифат талабларига жавоб бермаслиги, Намангандаги истироҳат боғида аттракцион бузилиб қолиши оқибатида 4 киши жароҳатланиши — “Дарё” нашри бугун, 31 июлда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда аҳолини ижтимоий суғурталаш тизимини жорий этиш режалаштирилмоқда
Суғурталанган шахсларга ишсизлик нафақаси ва бошқа турдаги тўловлар жорий этилиши кўзда тутилган.
Ўзбекистон Татаристон билан электропоезд ва метро вагонлари ишлаб чиқариши мумкин
Учрашув якунида томонлар лойиҳаларни амалга ошириш бўйича ҳамкорликдаги ишларни давом эттиришга келишиб олди.
Диёра Келдиёрова: “Қуръада Абе билан тўғри келганимни ҳеч қандай ҳаяжонсиз қабул қилдим”
Олимпиада чемпиони ўзининг кучли рақибига қарши жангга қандай тайёргарлик кўргани ҳақида гапирди.
Ўзбекистон қонунчилигида 1 августдан нималар ўзгаради?
Хусусан, авторақамлар, электр энергияси, лойиҳалаш ва қуриш ҳамда бошқа соҳаларда ўзгаришлар кучга киради.
Ўзбекистонда қайта ишлатилиши мажбурий бўлган чиқинди товарлари рўйхати тузилди
Рўйхатдаги чиқиндиларни қайта ишлаш орқали атроф-муҳит ифлосланишининг олди олинади.
Қирғиз-ўзбек халқаро университети декани қўлга олинди
Декан ва ўринбосарининг пора олаётгани акс этган видео тарқалди.
Шаҳноза Мирзиёева Диёра Келдиёровага бир қанча лойиҳаларни биргаликда амалга оширишни таклиф қилди
Диёра унинг таклифини мамнуният билан қабул қилди.
Чорвоқдаги зиёратгоҳ жойлашган қишлоқ чиқиндихонага айланаётгани айтилди
Маданий мерос агентлиги Тошкент вилояти бошқармаси мутахассислари жойига чиққан ҳолда ўрганиш ишларини олиб борди.
Намангандаги истироҳат боғида аттракцион бузилиб қолиши оқибатида 4 киши жароҳатланди
Ҳолат юзасидан ўрганиш ишлари олиб борилмоқда.
“Ҳар йили солиқ билан муаммомиз бўлади. Менинг ҳозир қарзим йўқ, лекин машинам, уйим тақиқда” — тошкентлик ҳунарманд
Яна бир ҳунарманднинг айтишича, Ҳунармандлар уюшмасининг гувоҳномаси нусхаси солиқ идораларига олиб борилса, қабул қилинмайди.
Ўзбекистонда сотилаётган Афғонистоннинг анорли ичимлиги сифат талабларига жавоб бермаслиги аниқланди
Royal бренди остидаги анор шарбати меъёрий ҳужжатлар талабига қай даражада мос келиши ўрганилди.
Осиё тараққиёт банки Ўзбекистонга 400 млн доллар қарз ажратди
Пуллар мамлакат молия бозорларини мустаҳкамлаш ва барқарор бозорга йўналтирилган энергетика секторини ривожлантириш бўйича ташаббусларни қўллаб-қувватлашга йўналтирилади.
Ўзбекистон иқтисодиёти ҳажми 100 млрд доллардан ошгани маълум қилинди
Ушбу корректировка иқтисодиётнинг норасмий ва яширин қисмини ҳисобга олиш эвазига содир бўлган.
Ўзбекистонда ипотека кредитлари бўйича фуқароларга тўланган субсидиялар юзасидан маълумот берилди
2023 йилнинг мос даврига нисбатан 118 фоизга кўп субсидия маблағлари қоплаб берилган.
Изоҳ (0)